హర్రర్ సినిమాలతో అదృష్టాన్ని పరీక్షించుకుంటున్న అనన్య నాగళ్ల

తెలుగు సినీ ప్రేక్షకులకు హీరోయిన్ అనన్య నాగళ్ల గురించి ప్రత్యేకంగా పరిచయం అక్కర్లేదు. పవర్ స్టార్ పవన్ కళ్యాణ్ నటించిన వకీల్ సాబ్ సినిమాతో తెలుగు ఇండస్ట్రీకి ఎంట్రీ ఇచ్చింది.మొదటి సినిమాతోనే మంచి గుర్తింపు తెచ్చుకున్న అనన్య మంచి ఫ్యాన్స్ ఫాలోయింగ్ ఏర్పరచుకుంది. అలాగే ఈ సినిమాతో ప్రేక్షకులకు మరింత చేరువయ్యింది. అలాగే ఈమె ప్రియదర్శి ప్రధానపాత్రలో తెరకెక్కిన మల్లేశం సినిమాలో కూడా హీరోయిన్ గా నటించిన విషయం తెలిసిందే.ఈ సినిమా కూడా మంచి సూపర్ హిట్ సాధించడంతో ఈమె క్రేజ్ మరింత పెరిగింది. దీంతో ఈమెకు తెలుగులో వరుసగా అవకాశాలు వచ్చాయి.

ఇది ఇలా ఉంటే మొన్నటి వరకు గ్లామర్ పాత్రలలో నటించడంతో పాటు వరుస హాట్ ఫోటో షూట్లతో కుర్రకారుకు పిచ్చెక్కించిన అనన్య ఈసారి రూటు మార్చేసింది. త్వరలోనే హర్రర్ సినిమాతో ప్రేక్షకులు ముందుకు రాబోతోంది. అనన్య నాగళ్ల ప్రధాన పాత్ర పోషిస్తున్న తాజా చిత్రం తంత్ర. ఈ నిమా రిలీజ్ కి సిద్ధం అవుతోంది. హారర్‌ థ్రిల్లర్‌గా రూపొందుతున్న ఈ సినిమా పోస్టర్‌ను తాజాగా నిర్మాణ సంస్థ రిలీజ్ చేసింది.ఇక ఆ పోస్టర్ కనుక పరిశీలిస్తే భయంకరమైన క్షుద్రశక్తులు అనన్యని పీడిస్తున్నట్టుగా కనిపిస్తోంది. కాగా దివంగత నటుడు శ్రీహరి తమ్ముడి కొడుకు ధనుష్‌ ఈ సినిమాతో హీరోగా పరిచయం అవుతున్నాడు. మరో కీలక పాత్రలో నటిస్తూ మర్యాదరామన్న ఫేమ్ సలోని ఈ సినిమా ద్వారా రీ ఎంట్రీ ఇస్తోంది. తంత్ర శాస్త్రానికి చెందిన ఎన్నో విస్తుగొలిపే రహస్యాలు ఈ మూవీ ద్వారా చెప్పబోతున్నట్లు సినిమా యూనిట్ చెబుతోంది.

ఇప్పటివరకు తన గ్లామర్ తో అందంతో ప్రేక్షకులను అలరించిన అనన్య ఇకపై హర్రర్ సినిమాలతో ప్రేక్షకులను అలరించనుంది. అంతేకాకుండా మొదటిసారిగా హారర్ సినిమాతో తన అదృష్టాన్ని పరీక్షించుకోబోతోంది అనన్య. ఫస్ట్‌ కాపీ మూవీస్‌, బి ద వే ఫిల్మ్స్‌, వి ఫిల్మ్‌ ఫ్యాక్టరీ సంస్థలు సంయుక్తంగా నిర్మిస్తున్న ఈ సినిమాకు శ్రీనివాస్‌ గోపిశెట్టి అనే కొత్త దర్శకుడు పరిచయం అవుతున్నాడు. ఫిమేల్ ఓరియెంటెడ్‌ లైన్‌తో రూపొందుతున్న హారర్‌ ఎంటర్‌టైనర్‌ చిత్రం తంత్ర. భారతీయ తాంత్రిక శాస్త్రం, పురాణగాథల నేపథ్యంలో ఆద్యంతం ఉత్కంఠగా సాగుతుందని పోస్టర్ రిలీజ్ సందర్భంగా మూవీ మేకర్స్ తెలిపారు.