'లియో' ప్రీ-రిలీజ్ ఈవెంట్ కోసం వెన్యూ లాక్?
cinema | Suryaa Desk | Published : Wed, Aug 02, 2023, 06:40 PM
కోలీవుడ్ స్టార్ డైరెక్టర్ లోకేష్ కానగరాజ్ తన తదుపరి సినిమాని తలపతి విజయ్ తో చేస్తున్న సంగతి తెలిసిందే. ఈ చిత్రానికి 'లియో' అనే టైటిల్ ని మూవీ మేకర్స్ లాక్ చేసారు. విజయ్ సరసన ఈ సినిమాలో త్రిష జోడిగా నటిస్తుంది. కొన్ని రోజుల క్రితం చిత్ర బృందం మలేషియాలో ఈ సినిమా ప్రీ-రిలీజ్ ఈవెంట్ను నిర్వహించాలని ప్లాన్ చేసినట్లు వార్తలు వినిపించాయి. తాజాగా ఇప్పుడు, మలేషియాలోని కౌలాలంపూర్లోని బుకిట్ జలీల్ నేషనల్ స్టేడియంలో ఈ ఈవెంట్ జరుగనుంది అని సోషల్ మీడియాలో లేటెస్ట్ టాక్.
లియో అక్టోబర్ 19, 2023న సినిమా థియేటర్స్ లో విడుదల కానుంది. ఈ చిత్రంలో ప్రియా ఆనంద్, సంజయ్ దత్, గౌతమ్ వాసుదేవ్ మీనన్, మిస్కిన్, యాక్షన్ కింగ్ అర్జున్, మాథ్యూ థామస్, మన్సూర్ అలీ ఖాన్ మరియు డ్యాన్స్ మాస్టర్ శాండీ కీలక పాత్రలలో కనిపించనున్నారు. ఈ చిత్రానికి అనిరుధ్ సంగీతం అందించనున్నారు. ఈ చిత్రాన్ని సెవెన్ స్క్రీన్ స్టూడియో భారీ స్థాయిలో నిర్మించనుంది.
|
|