ట్రెండింగ్
భారీ షెడ్యూల్ ని ప్రారంభించిన 'VS11'
cinema | Suryaa Desk | Published : Mon, May 15, 2023, 06:35 PM
కృష్ణ చైతన్య దర్శకత్వంలో మాస్ కా దాస్ విశ్వక్సేన్ తన తదుపరి చిత్రాన్ని అధికారకంగా ప్రకటించిన సంగతి అందరికి తెలిసిందే. ఈ సినిమాకి 'VS 11' అని తాత్కాలికంగా పేరు పెట్టారు. తాజా సమాచారం ప్రకారం, ఈ చిత్రానికి సంబంధించిన భారీ షెడ్యూల్ ప్రారంభమైందని మూవీ మేకర్స్ సోషల్ మీడియా వేదికగా వెల్లడించారు. నటుడు అగ్నిజ్వాల పట్టుకుని దేవత విగ్రహం ముందు నిలబడి ఉన్న చిత్రాన్ని పోస్ట్ చేసి ప్రకటించారు. ఈ పోస్ట్ కి 'గంగమ్మ జాతర మొదలైంది..ఈసారి శివలెత్తిపోద్ది' అనే కాప్షన్ ని పెట్టారు.
ఈ సినిమాలో అంజలి, నేహా శెట్టి కథానాయికలుగా నటిస్తున్నారు. ప్రముఖ నిర్మాణ సంస్థలు సితార ఎంటర్టైన్మెంట్స్ మరియు ఫార్చూన్ ఫోర్ ఎంటర్టైన్మెంట్స్ సంయుక్తంగా ఈ చిత్రాన్ని నిర్మిస్తున్నాయి. ఈ చిత్రానికి యువన్ శంకర్ రాజా సంగీతం అందిస్తున్నారు.
|
|