షారుక్ కామెంట్స్ వైరల్

దక్షిణాది సినీ ఇండస్ట్రీలో లేడీ సూపర్ స్టార్ గా పేరు ప్రఖ్యాతలు సంపాదించుకున్న నయనతార  గురించి పరిచయం అవసరం లేదు.నయనతార గత రెండు దశాబ్దాలుగా ఇండస్ట్రీలో సక్సెస్ ఫుల్ హీరోయిన్ గా కొనసాగుతూ ఉన్నారు.ఈమె ఇప్పటికీ వరుసగా సినిమా అవకాశాలను అందుకుంటూ కెరియర్ పరంగా ఎంతో బిజీగా ఉన్నారు. ఇకపోతే తాజాగా నయనతార అట్లీ దర్శకత్వంలో బాలీవుడ్ హీరో షారుఖ్ ఖాన్  తో కలిసి జవాన్ సినిమాలో నటిస్తున్న విషయం మనకు తెలిసిందే. ఈ సినిమా త్వరలోనే విడుదల కావలసి ఉండగా వాయిదా పడింది దీంతో సెప్టెంబర్ 7వ తేదీ విడుదలకు సిద్ధమవుతోంది.

ఈ సినిమా ద్వారా నయనతార బాలీవుడ్ ఇండస్ట్రీకి పరిచయం కాబోతున్నారు. ఇకపోతే ఈ సినిమా విడుదల తేదీని షారుక్ ఖాన్ సోషల్ మీడియా వేదికగా తెలియజేయడమే కాకుండా ఈ సినిమా గురించి అలాగే నయనతార గురించి కూడా పలు ఆసక్తికరమైన విషయాలను వెల్లడించారు. జవాన్ సినిమా పక్కా కమర్షియల్ అంచనాలతో కూడుకున్నటువంటి యాక్షన్ చిత్రమని షారుక్ ఖాన్ వెల్లడించారు. ఇక ఈ సినిమాలో నయనతారతో కలిసి నటించడం చాలా సంతోషంగా అనిపించిందని తెలిపారు. ఈ క్రమంలోనే షారుఖ్ ఖాన్ నయనతార గురించి మాట్లాడుతూ ఆమె కేవలం అందగత్తె మాత్రమే కాదు చాలా స్వీట్ పర్సన్ అంటూ నయనతార మనస్తత్వంపై ఆమె అందంపై షారుక్ ఖాన్ ప్రశంసలు కురిపించారు. ఇలా షారుఖ్ ఖాన్ నయనతారని ఉద్దేశించి చేసిన ఈ కామెంట్స్ ప్రస్తుతం సోషల్ మీడియాలో వైరల్ అవుతున్నాయి. ఇక ఈ సినిమాలో ప్రముఖ నటుడు విజయ్ సేతుపతి కూడా నటించిన విషయం మనకు తెలిసిందే. ఈయన గురించి షారుక్ మాట్లాడుతూ... విజయ్ సేతుపతి ఎంతో ప్రతిభావంతుడని తన నుంచి తాను కొన్ని విషయాలను నేర్చుకున్నాను అంటూ ఈ సందర్భంగా షారుక్ ఖాన్ చేసిన ఈ కామెంట్స్ వైరల్ అవుతున్నాయి.