వెంకీ 'సైంధవ్' లో నాని అతిధి పాత్ర
cinema | Suryaa Desk | Published : Mon, Apr 17, 2023, 07:28 PM
శైలేష్ కొలను దర్శకత్వంలో టాలీవుడ్ హీరో వెంకటేష్ తన 75వ సినిమాని అధికారికంగా ప్రకటించిన సంగతి అందరికి తెలిసిందే. ఈ సినిమాకి 'సైంధవ్' అనే టైటిల్ ని మూవీ మేకర్స్ లాక్ చేసారు. కొన్ని రోజులుగా ఈ సినిమాలో టాలీవుడ్ యంగ్ హీరో నాని కీలక పాత్రలో కనిపించనున్నట్లు సోషల్ మీడియాలో వార్తలు వినిపిస్తున్నాయి. తాజాగా ఇప్పుడు, సైంధవ్లో నాని అతిధి పాత్రలో నటించనున్నట్లు నాని స్వయంగా ఇన్స్టాగ్రామ్ ద్వారా వెల్లడించారు.
ఈ సినిమా డిసెంబరు 22, 2023న ప్రేక్షకుల ముందుకు రానుంది. యాక్షన్ ఎంటర్టైనర్గా తెరకెక్కుతున్నఈ సినిమాలో శ్రద్ధా శ్రీనాథ్ కథానాయికగా నటిస్తుంది. బాలీవుడ్ నటుడు నవాజుద్దీన్ సిద్ధిక్ ఈ సినిమాలో ఒక ముఖ్యమైన పాత్రను పోషిస్తున్నాడు. ఈ హై-వోల్టేజ్ యాక్షన్ థ్రిల్లర్ ని నిహారిక ఎంటర్టైన్మెంట్ బ్యానర్పై వెంకట్ బోయనపల్లి నిర్మిస్తున్నారు. ఈ పాన్ ఇండియన్ చిత్రానికి సంతోష్ నారాయణన్ సంగీతం అందిస్తున్నారు.
|
|