'ఏజెంట్' సెట్స్లో వాల్తేర్ వీరయ్య బ్యూటీ
cinema | Suryaa Desk | Published : Wed, Apr 12, 2023, 06:40 PM
సురేందర్ రెడ్డి డైరెక్షన్ లో టాలీవుడ్ యంగ్ హీరో అఖిల్ అక్కినేని 'ఏజెంట్' సినిమాలో నటిస్తున్న సంగతి అందరికి తెలిసిందే. స్పై థ్రిల్లర్ ట్రాక్ లో వస్తున్న ఈ సినిమాలో అఖిల్ సరసన సాక్షి వైద్య నటిస్తుంది. తాజాగా లీడ్ పెయిర్పై రొమాంటిక్ సాంగ్ చిత్రీకరణను పూర్తి చేసిన చిత్రబృందం ఇప్పుడు లేటెస్ట్ గా ఈ సినిమాలోని స్పెషల్ సాంగ్ షూటింగ్ ని ఈరోజు ప్రారంభించింది. ఇటీవలే వాల్టేర్ వీరయ్య చిత్రంలో చిరంజీవితో కలిసి అబ్బురపరిచిన ఊర్వశి రౌటేలా అఖిల్తో కలిసి ఈరోజు ఏజెంట్ సెట్స్లో జాయిన్ అవుతుంది. మరోవైపు పోస్ట్ ప్రొడక్షన్ పనులు శరవేగంగా జరుగుతున్నాయి.
ఈ హై బడ్జెట్ యాక్షన్ థ్రిల్లర్ మూవీలో మలయాళ మెగాస్టార్ మమ్ముట్టి కీలక పాత్రలో కనిపించనున్నారు. అఖిల్ కెరీర్ లోనే అత్యంత భారీ బడ్జెట్ తో ఏజెంట్ సినిమా రూపొందుతోంది. అందరూ ఎంతో ఆసక్తిగా ఎదురుచూస్తున్న ఈ క్రేజీ పాన్ ఇండియా ప్రాజెక్ట్ ఏప్రిల్ 28, 2023న విడుదలకు సిద్ధంగా ఉంది. ఎకె ఎంటర్టైన్మెంట్స్, సురేందర్ 2 సినిమా పతాకాలపై రామబ్రహ్మం సుంకర ఈ సినిమాని నిర్మిస్తున్నారు. సెన్సేషనల్ మ్యూజిక్ కంపోజర్ హిప్ హాప్ తమిజా సంగీతం అందిస్తున్నారు.
|
|