'విడుతలై' డిజిటల్ రైట్స్ ని సొంతం చేసుకున్న ప్రముఖ OTT ప్లాట్ఫారం
cinema | Suryaa Desk | Published : Tue, Mar 21, 2023, 07:19 PM
వెట్రిమారన్ దర్శకత్వంలో కోలీవుడ్ స్టార్ కమెడియన్ సూరి ఒక ఎంటర్టైనర్ ని ప్రకటించిన సంగతి అందరికి తెలిసిందే. ఈ సినిమాకి మూవీ మేకర్స్ 'విడుతలై' అనే టైటిల్ ని లాక్ చేసారు. ఈ ప్రతిష్టాత్మక ప్రాజెక్ట్ రెండు భాగాలుగా విడుదల కానుంది. ఈ సినిమా మార్చి 31న పెద్ద తెరపైకి రానుంది.
తాజాగా ఇప్పుడు ఈ చిత్రం యొక్క డిజిటల్ హక్కులను ప్రముఖ OTT ప్లాట్ఫారమ్ ZEE5 భారీ ధరకు సొంతం చేసుకున్నట్లు సమాచారం. ఇటీవల విడుదలైన ట్రైలర్ సినిమాపై అంచనాలను పెంచింది. క్రైమ్ థ్రిల్లర్ గా తెరకెక్కుతున్న ఈ చిత్రంలో మక్కల్ సెల్వన్ విజయ్ సేతుపతి కీలక పాత్ర పోషిస్తున్నాడు. ఈ సినిమాలో విజయ్ సేతుపతి టీచర్గా నటిస్తుండగా, సూరి పోలీసుగా నటిస్తున్నారు.
ఈ చిత్రం జయ మోహన్ రాసిన తునైవన్ నవల నుండి తీసుకున్న చిన్న కథ నుండి ప్రేరణ పొందింది. ఈ చిత్రంలో భవానీ శ్రీ, ప్రకాష్ రాజ్, గౌతం వాసుదేవ్ మీనన్, రాజీవ్ మీనన్, చేతన్ ముఖ్య పాత్రలు పోషిస్తున్నారు. ఇళయరాజా ఈ సినిమాకి సంగీతం అందిస్తున్నారు. ఆర్ఎస్ ఇన్ఫోటైన్మెంట్ పతాకంపై ఎల్రెడ్ కుమార్ ఈ చిత్రాన్ని నిర్మిస్తున్నారు.
|
|