నందమూరి నటుడి సినిమాలో ఇరానియన్ బ్యూటీ?
cinema | Suryaa Desk | Published : Mon, Mar 20, 2023, 07:57 PM
నందమూరి కళ్యాణ్ రామ్ చివరిసారిగా నటించిన 'అమిగోస్' బాక్సాఫీస్ వద్ద ప్రేక్షకులను ఆకట్టుకోలేకపోయింది. తాజాగా ఇప్పుడు నవీన్ మేడారం దర్శకత్వంలో నటుడు తన తదుపరి సినిమాని ప్రకటించిన సంగతి అందరికి తెలిసిందే. ఈ చిత్రానికి 'డెవిల్' అనే టైటిల్ ని మూవీ మేకర్స్ లాక్ చేసారు. ఈ పీరియాడికల్ డ్రామాలో మాళవిక నాయర్ మహిళా ప్రధాన పాత్ర పోషిస్తుంది.
తాజా అప్డేట్ ప్రకారం, ఇరానియన్ బ్యూటీ ఎల్నాజ్ నొరౌజీ ఈ సినిమాలోని ఒక ప్రత్యేక పాటలో నందమూరి నటుడితో కలిసి కనిపించనున్నట్లు సమాచారం. మూవీ మేకర్స్ ఈ పాట కోసం 3 కోట్లు ఖర్చు చేసి ప్రత్యేకంగా ఒక సెట్ ని వేసినట్లు లేటెస్ట్ టాక్. ఈ విషయం గురించి మూవీ టీమ్ నుంచి అధికారిక ప్రకటన వచ్చే వరకు వేచి చూడాల్సిందే.
ప్రస్తుతం ఈ సినిమా షూటింగ్ హైదరాబాద్లో జరుగుతోంది. అభిషేక్ పిక్చర్స్ భారీ ఎత్తున నిర్మిస్తున్న ఈ సినిమాలో ప్రముఖ నటీనటులు కీలక పాత్రల్లో కనిపించనున్నారు. ఈ చిత్రానికి హర్షవర్ధన్ రామేశ్వర్ సంగీత అందిస్తున్నారు.
|
|