ఆస్కార్ విజయంపై రాంచరణ్ హార్ట్ ఫెల్ట్ థాంక్యూ నోట్
cinema | Suryaa Desk | Published : Mon, Mar 13, 2023, 03:31 PM
ఈ రోజు ఇండియన్ సినిమా చరిత్రలో ఎప్పటికీ చిరస్థాయిలో నిలిచిపోతుంది. ఎందుకంటే, ఒకే ఏడాది రెండు వేరు వేరు విభాగాల్లో ఇండియాకు ఆస్కార్ పురస్కారాలు వచ్చాయి. అందరు అనుకున్నట్టుగా, కోరుకున్నట్టుగా RRR సినిమాలోని నాటు నాటు పాటకు ఆస్కార్ పురస్కారం దక్కడం, ప్రతి ఒక్క భారతీయుణ్ణి గర్వపడేలా చేస్తుంది. ప్రపంచవ్యాప్తంగా ఉన్న RRR అభిమానులకు ఫుల్ ఖుషిని ఇస్తుంది.
నాటు నాటు ఆస్కార్ విజయంపై హీరో రాంచరణ్ హార్ట్ ఫెల్ట్ థాంక్యూ నోట్ ని విడుదల చేసారు. RRR సినిమా తన జీవితంలో ఎంతో ప్రత్యేకంగా నిలుస్తుందని, అలానే ఇండియన్ సినిమాలో ఎప్పటికీ చిరస్మరణీయంగా నిలిచిపోతుందని, ప్రతి ఒక్కరికీ కృతజ్ఞతలు.. థాంక్యూ అనే మాట సరిపోదని, ఇంకా తనకు కలలో జీవిస్తున్నట్టుగా ఉందని పేర్కొన్నారు. ఇండియన్ సినిమాలో ఉన్న మోస్ట్ ప్రీషియస్ జెమ్స్ లో రాజమౌళి, కీరవాణి అని, RRR వంటి మాస్టర్ పీస్ లో తనకు అవకాశం కల్పించినందుకు థాంక్యూ చెప్పారు. ఇంకా తన కో స్టార్ తారక్ ని బ్రదర్ అని పేర్కొంటూ, తనతో మరోసారి డాన్స్ చేసి, రికార్డులు తిరగరాయాలనుందని తెలిపారు. నాటు నాటు ఎమోషన్ ని విశ్వవ్యాప్తం చేసిన లిరిసిస్ట్ చంద్రబోస్ గారికి, సింగర్స్ రాహుల్ సిప్లిగంజ్, కాల భైరవ, కొరియోగ్రఫర్ ప్రేమ్ రక్షిత్ లకు చరణ్ కృతజ్ఞతలు తెలిపారు.
|
|