'ఫలానా అబ్బాయి' విజయంపై నాగశౌర్య సూపర్ కాన్ఫిడెన్స్ ..!!
cinema | Suryaa Desk | Published : Sun, Mar 12, 2023, 08:53 PM
గతేడాది కృష్ణ వ్రింద విహరితో ప్రేక్షకులను అలరించిన యంగ్ హీరో నాగశౌర్య తాజాగా ఈ ఏడాది "ఫలానా అబ్బాయి ఫలానా అమ్మాయి" సినిమాతో ప్రేక్షకుల ముందుకు రాబోతున్నారు. అవసరాల శ్రీనివాస్ ఈ సినిమాకు దర్శకుడు కాగా, మాళవికా నాయర్ హీరోయిన్ గా నటించింది.
నిన్న జరిగిన ప్రీ రిలీజ్ ఈవెంట్ లో నాగశౌర్య చేసిన వ్యాఖ్యలు వైరల్ అవుతున్నాయి. శ్రీనివాస్ అవసరాల దర్శకత్వం పై తనకు చాలా నమ్మకముందని, అతని డైరెక్షన్లో తన సినిమా అంటే ఎంతోమందికి ఇష్టమని, తమ కాంబోలో వచ్చిన ఊహలు గుసగుసలాడే, జ్యో అచ్యుతానంద చిత్రాలను ప్రేక్షకులు ఈ సినిమా చూసిన తదుపరి మరిచిపోతారని శౌర్య వ్యాఖ్యానించారు. అలానే ఇకపై ఫలానా శ్రీనివాస్ అవసరాల అని, ఫలానా నాగశౌర్య అని, ఫలానా మాళవిక అని ప్రేక్షకుల మనసుల్లో తమ స్థానం ఉంటుందని చెప్పారు. రికార్డ్స్ బ్రేక్ గురించి పక్కన పెడితే, శ్రీనివాస్, మాళవిక, తాను ప్రేక్షకుల హృదయాలలో కుర్చీ వేసుకుని కూర్చుంటాం ..ఈ సినిమాతో... అంటూ నాగశౌర్య ఈ సినిమా యొక్క విజయంపై ఎంతో ఆశాభావాన్ని వ్యక్తం చేసారు.
|
|