ఆ విషయంలో డార్లింగ్ ని వెనక్కినెట్టేసిన ఐకాన్ స్టార్?
cinema | Suryaa Desk | Published : Fri, Mar 10, 2023, 09:10 AM
బాహుబలి 1, 2, సాహో, రాధేశ్యామ్ .. వరస పాన్ ఇండియా సినిమాలతో ప్రేక్షకుల్లో ఫుల్ క్రేజ్ ను సంపాదించుకున్న డార్లింగ్ ప్రభాస్ ఇకపై కూడా ఆదిపురుష్, సలార్, ప్రాజెక్ట్ కే, స్పిరిట్ ..పాన్ ఇండియా సినిమాలతో ప్రేక్షకులను పలకరించబోతున్న విషయం తెలిసిందే. బాహుబలితో ఒక్కసారిగా ప్రభాస్ హైయెస్ట్ పెయిడ్ తెలుగు యాక్టర్ గా మారారు. ఆయన స్టార్ డం, జనాల్లో క్రేజ్, ఆయన బ్రాండ్ ఇమేజ్ ని చూసి నిర్మాతలు కూడా భారీ మొత్తాన్ని ముట్టజెపుతున్నారు.
ఐతే, తాజాగా ఐకాన్ స్టార్ అల్లు అర్జున్ రెమ్యునరేషన్ లో ప్రభాస్ ని వెనక్కి నెట్టి, హైయెస్ట్ పెయిడ్ తెలుగు యాక్టర్ ప్లేస్ ని కైవసం చేసుకున్నారని తెలుస్తుంది. రీసెంట్గా ఎనౌన్స్ చెయ్యబడిన సందీప్ రెడ్డి వంగ - టి సిరీస్ ప్రాజెక్ట్ కోసం బన్నీ దాదాపు 125కోట్ల అతిభారీ పారితోషికాన్ని అందుకోబోతున్నాడని టాక్. పుష్ప తో ఐకాన్ స్టార్ క్రేజ్ మరింత పెరగ్గా, బాలీవుడ్ లో ఐతే, పీక్ స్టేజి కి చేరుకుంది. ఈ నేపథ్యంలోనే బన్నీకి సదరు బాలీవుడ్ సంస్థ 125కోట్లను ముట్టజెప్పేందుకు సిద్ధమయ్యిందట. మరి, పుష్ప 2 విడుదల తరవాత బన్నీ పారితోషికం ఇంక ఏ బిగ్ నెంబర్ కి వెళ్లి చేరుతుందో..!!
|
|