ట్రెండింగ్
ఫిలింఛాంబర్లో తారకరత్న పార్థివదేహం
cinema | Suryaa Desk | Published : Mon, Feb 20, 2023, 10:38 AM
నటుడు, రాజకీయ నాయకుడు శ్రీ తారకరత్న గారు శనివారం రాత్రి సమయంలో కన్ను మూశారు. యువగళం పాదయాత్రలో పాల్గొన్న తారకరత్నజనవరి 27 న దురదృష్టవశాత్తు కార్డియాక్ అరెస్ట్ కి గురైన విషయం తెలిసిందే. అప్పటి నుండి 23 రోజులపాటు వైద్యులు నిరంతర కృషి చేసి, వైద్యం అందించినా ఎలాంటి ఉపయోగం లేకుండా పోయింది. నిండు ప్రాణాలు తిరిగిరాని లోకాలకు పయనమయ్యాయి. ఆయన మృతి పట్ల పలువురు సినీరాజకీయ ప్రముఖులు విచారం వ్యక్తం చేసారు.
ఆదివారం రోజు రంగారెడ్డి జిల్లా మోకిలా లోని స్వగృహంలో తారకరత్న పార్థివదేహం ఉండగా, సోమవారం అంటే ఈరోజు ఫిలించాంబర్లో అభిమానుల సందర్శనార్ధం తారకరత్న పార్థివదేహాన్ని కుటుంబసభ్యులు ఉంచారు. సాయంత్రం ఐదు గంటలకు మహాప్రస్థానంలో తారకరత్న అంత్యక్రియలు జరగనున్నాయి.
|
|