'భోలా' నుండి అజయ్ దేవగన్ పోస్టర్ అవుట్
cinema | Suryaa Desk | Published : Sat, Jan 21, 2023, 04:32 PM
గత సంవత్సరంలో అత్యధిక వసూళ్లు సాధించిన బాలీవుడ్ చిత్రాలలో ఒకటిగా నిలిచిన 'దృశ్యం 2' తో అజయ్ దేవగన్ బ్లాక్ బస్టర్ హిట్ని అందుకున్నారు. తాజగా ఈ స్టార్ హీరో తన తదుపరి చిత్రాన్ని అధికారికంగా ప్రకటించిన సంగతి అందరికి తెలిసిందే. ఈ సినిమాకి 'భోలా' అనే టైటిల్ ని మూవీ మేకర్స్ లాక్ చేసారు. ఈ చిత్రం తమిళ బ్లాక్బస్టర్ కైతీకి అధికారక రీమేక్.
ఇటీవలే విడుదలైన ఈ సినిమా టీజర్కి మంచి స్పందన వచ్చింది. తాజాగా మూవీ మేకర్స్ ఇప్పుడు స్టార్ హీరో కొత్త పోస్టర్ను విడుదల చేసారు. రెండో టీజర్ను మూవీ మేకర్స్ జనవరి 24న విడుదల చేయనున్నారు. ఈ యాక్షన్ డ్రామాలో టబు, అమలా పాల్ కీలక పాత్రలు పోషిస్తున్నారు.
ఈ చిత్రం మార్చి 30న IMAX 3D ఫార్మాట్లో కూడా విడుదల కానుంది. కేజీఎఫ్ ఫేమ్ రవి బస్రూర్ ఈ సినిమాకి సంగీతం అందిస్తున్నారు. అజయ్ దేవగన్ ఎఫ్ ఫిల్మ్స్, డ్రీమ్ వారియర్ పిక్చర్స్, టి-సిరీస్ మరియు రిలయన్స్ ఎంటర్టైన్మెంట్ సంయుక్తంగా ఈ బిగ్గీని నిర్మిస్తున్నాయి.
|
|