తెలుగులో జోరు పెంచుతున్న "కాంతార" కంపోజర్..!!
cinema | Suryaa Desk | Published : Fri, Jan 20, 2023, 06:14 PM
కన్నడ సెన్సేషనల్ బ్లాక్ బస్టర్ "కాంతార" కు మ్యూజిక్ డైరెక్టర్ గా పని చేసి, 'వరాహరూపం' వంటి డివోషనల్ సాంగ్ ను ప్రేక్షకులకు అందించి, వారి విశేష అభిమానానికి పాత్రుడైన అజనీష్ లోక్ నాథ్ కన్నడ చిత్ర పరిశ్రమలో స్టార్ కంపోజర్ అన్న విషయం తెలిసిందే.
విక్రాంత్ రోణ, కాంతార బ్యాక్ టు బ్యాక్ సూపర్ హిట్స్ తో టాలీవుడ్ లో అజనీష్ క్రేజ్ బాగా పెరిగిపోయింది. దీంతో ఆయనకు తెలుగులో ఆఫర్స్ కూడా వెల్లివిరిస్తున్నాయి. ముందుగా మెగా మేనల్లుడు సాయి ధరమ్ తేజ్ "విరూపాక్ష" కు సంగీత దర్శకుడిగా ప్రకటించబడిన అజనీష్ తాజాగా మరొక తెలుగు చిత్రానికి కూడా సంగీతం సమకూర్చబోతున్నట్టు అధికారిక ప్రకటన విడుదలైంది.
RX 100 ఫేమ్ డైరెక్టర్ అజయ్ భూపతి ఎంతో ప్రతిష్టాత్మకంగా రూపొందిస్తున్న తన మూడవ ప్రాజెక్ట్ కు అజనీష్ లోక్ నాథ్ సంగీతం అందించబోతున్నట్టు కాసేపటి క్రితమే ఆయన అఫీషియల్ ఎనౌన్స్మెంట్ చేసారు. అతి త్వరలోనే ఈ ప్రాజెక్ట్ కు సంబంధించిన టైటిల్ ను విడుదల చేస్తామని పేర్కొన్నారు.
|
|