'ఉస్తాద్ భగత్ సింగ్' పై ఆసక్తికరమైన వివరాలు
cinema | Suryaa Desk | Published : Fri, Jan 20, 2023, 06:01 PM
హరీష్ శంకర్ దర్శకత్వంలో టాలీవుడ్ పవర్స్టార్ పవన్ కళ్యాణ్ ఒక సినిమాని ప్రకటించిన సంగతి అందరికి తెలిసిందే. ఈ సినిమాకి 'ఉస్తాద్ భగత్ సింగ్' అనే టైటిల్ను మేకర్స్ ఖరారు చేసారు. ఈ మాస్ ఎంటర్టైనర్ మూవీలో పవన్ కళ్యాణ్ సరసన సిజ్లింగ్ బ్యూటీ పూజా హెగ్డే జంటగా నటించనుంది. ఇటీవల ఈ సినిమా పూజా కార్యక్రమాలతో ప్రారంభించబడింది.
తాజాగా ఒక ఇంటర్వ్యూలో ఈ సినిమా ఆర్ట్ డైరెక్టర్ మరియు పవన్ ప్రియమైన స్నేహితుడు ఆనంద్ సాయి ఈ చిత్రం రీమేక్ అని ధృవీకరించారు. అయితే ఏ సినిమాను రీమేక్ చేస్తున్నారో ఆనంద్ సాయి చెప్పలేదు. ఉస్తాద్ భగత్ సింగ్ మూవీ తమిళ్ స్టార్ హీరో విజయ్ యొక్క తేరి మూవీ అధికారిక రీమేక్ అని ఒక టాక్ ఉంది, కానీ మూవీ టీమ్ నుండి ఎటువంటి అధికారిక ప్రకటన రాలేదు.
పవర్ స్టార్ అభిమానులు పవన్ అండ్ హరీష్ కాంబో లో రానున్న సినిమా కోసం చాలా కాలంగా ఎదురుచూస్తున్నారు. మైత్రీ మూవీ మేకర్స్ ఈ పవర్ ఫుల్ మూవీని భారీ ఎత్తున నిర్మిస్తున్నారు. రాక్స్టార్ దేవిశ్రీ ప్రసాద్ ఈ సినిమాకి సంగీతం అందిస్తున్నారు.
|
|