ట్రెండింగ్
టాలీవుడ్, బాలీవుడ్ హీరోలతో మాటల మాంత్రికుడి మల్టీస్టారర్..?
cinema | Suryaa Desk | Published : Wed, Jan 11, 2023, 07:53 PM
మాటల మాంత్రికుడు త్రివిక్రమ్ ప్రస్తుతం సూపర్ స్టార్ మహేష్ బాబుతో "SSMB 28"ను తెరకెక్కించే పనిలో బిజీగా ఉన్నారు. ఆ తరవాత త్రివిక్రమ్ చెయ్యబోయే ప్రాజెక్ట్ పై మీడియాలో ఆసక్తికర కథనాలు వెలువడుతున్నాయి.
SSMB 28 తదుపరి తన లక్కీ చార్మ్ ఐకాన్ స్టార్ తో త్రివిక్రమ్ సినిమా చెయ్యబోతున్నారట. పుష్ప తదుపరి బన్నీ కూడా తన తదుపరి ప్రాజెక్ట్ ను ఎనౌన్స్ చేయకపోవడంతో ఈ వార్త నిజమయ్యే అవకాశాలున్నాయి. కానీ, ఈ వార్తలో చిన్న ట్విస్ట్ ఒకటుంది.
అదేంటంటే, ఈ సినిమాలో కేవలం బన్నీ మాత్రమే కాక బాలీవుడ్ క్రేజీ హీరో కార్తీక్ ఆర్యన్ కూడా నటించబోతున్నారట. బన్నీ పాన్ ఇండియా క్రేజ్ కి, కార్తీక్ ఆర్యన్ భీకర ఫ్యాన్ ఫాలోయింగ్ తోడైతే... ఇక, ఆ ప్రాజెక్ట్ బాక్సాఫీస్ వద్ద అన్స్టాపబుల్ గా దూసుకుపోతుందనడంలో ఎలాంటి సందేహము లేదు. కానీ, ఈ వార్తలో ఎంతవరకు నిజమున్నదన్నది తెలియాల్సి ఉంది.
|
|