గార్జియస్ & ట్యాలెంటెడ్ దీపికా పదుకొణె కి బర్త్ డే విషెస్
cinema | Suryaa Desk | Published : Thu, Jan 05, 2023, 10:41 AM
గ్లామర్ పాత్రలు చెయ్యాలన్నా,పీరియాడికల్& హిస్టారికల్ పాత్రలు చెయ్యాలన్నా... బాలీవుడ్ లో వినిపించే ఒక ఒక్క పేరు...దీపికా పదుకొణె. టాప్ హీరోయిన్ పొజిషన్లో బాలీవుడ్ ని ఏలుతున్న ఈ ముద్దుగుమ్మ పుట్టినరోజు ఈ రోజు. దీంతో ప్రపంచవ్యాప్తంగా ఉన్న ఆమె అభిమానులు సోషల్ మీడియా వేదికగా పుట్టినరోజు శుభాకాంక్షలను తెలియచేస్తున్నారు.
1986 జనవరి 5న డెన్మార్క్ లోకి కోపెన్ హాగెన్ లో జన్మించిన దీపికా బెంగుళూరులో పెరిగింది. ఆమె సినీరంగ ప్రవేశం చేసింది కూడా కన్నడ సినిమా 'ఐశ్వర్య'తోనే. ఆపై 'ఓం శాంతి ఓం' సినిమాతో 2007లో బాలీవుడ్ రంగ ప్రవేశం చేసిన దీపికా అప్పటి నుండి వెనక్కి తిరిగి చూసుకోవాల్సిన పని పడలేదు. ఫస్ట్ బాలీవుడ్ మూవీతోనే ఫిలింఫేర్ బెస్ట్ యాక్ట్రెస్ అవార్డు అందుకుని ఆపై వరసగా బాలీవుడ్ స్టార్ హీరోల సరసన నటించి, స్టార్ హీరోయిన్ స్టేటస్ అందుకుంది.
అప్పటి వరకు గ్లామర్ పాత్రలకు కేరాఫ్ అడ్రెస్ గా నిలిచిన దీపికా ఎప్పుడైతే సంజయ్ లీలా భన్సాలీ డైరెక్షన్లో బాజీరావ్ మస్తానీ, పద్మవత్, రామ్ లీలా వంటి పీరియాడికల్ సినిమాలలో నటించిందో అప్పటి నుండి ప్రేక్షకులు తనలో ఎంతో ప్రతిభ గల నటి ఉందని తెలుసుకున్నారు. ఆపై బాలీవుడ్ టాప్ హీరోయిన్ గా దీపికా కొనసాగుతూ వస్తుంది.
|
|