'RC15' లో తన పాత్ర గురించి వెల్లడించిన శ్రీకాంత్
cinema | Suryaa Desk | Published : Wed, Jan 04, 2023, 05:51 PM
సెన్సషనల్ డైరెక్టర్ శంకర్ దర్శకత్వంలో మెగా పవర్ స్టార్ రామ్ చరణ్ 'RC15' సినిమా చేస్తున్న సంగతి తెలిసిందే. రామ్ చరణ్ ద్విపాత్రాభినయం చేస్తున్న ఈ సినిమాలో ఒక పాత్రలో ఐఏఎస్ అధికారిగా, మరో పాత్రలో పల్లెటూరి వ్యక్తిగా కనిపించనున్నాడు. ఈ సినిమాలో సీనియర్ హీరో శ్రీకాంత్ కీలక పాత్రలో కనిపించనున్నారు. వారసుడు ప్రమోషన్స్లో భాగంగా మీడియాతో మాట్లాడిన శ్రీకాంత్ రామ్ చరణ్ ఆర్సి 15 గురించి మాట్లాడారు.
నేను శంకర్ సర్తో కలిసి పని చేయడం ఇదే మొదటిసారి అంటూ ఈ సినిమాలో నా పాత్ర గురించి చాలా ఎగ్జైట్గా ఉన్నాను అని శ్రీకాంత్ అన్నారు. ఇప్పటికే రామ్ చరణ్ లుక్స్ వైరల్ గా మారడంతో ఈ సినిమా పై అంచనాలు పెరిగిపోతున్నాయి. ఈ సినిమాలో బాలీవుడ్ బ్యూటీ కైరా అద్వానీ కథానాయికగా నటిస్తోంది.
అరవింద్ స్వామి, ఎస్జే సూర్య, సురేష్ గోపి, ఈషా గుప్తా, అంజలి, శ్రీకాంత్, జయరామ్, సునీల్ మరియు నవీన్ చంద్ర ఈ సినిమాలో కీలక పాత్రలలో కనిపించనున్నారు. ఈ మెగా చిత్రానికి థమన్ ఎస్ సౌండ్ట్రాక్స్ అందించనున్నారు. దిల్ రాజు తన హోమ్ బ్యానర్ శ్రీ వెంకటేశ్వర క్రియేషన్స్పై ఈ సినిమాని నిర్మిస్తున్నారు.
|
|