'వారిసు' ట్రైలర్... ఫ్యామిలీ ఎమోషన్స్ తో కూడిన యాక్షన్ సినిమా..!!
cinema | Suryaa Desk | Published : Wed, Jan 04, 2023, 05:20 PM
తలపతి అభిమానులు ఎంతగానో ఎదురుచూసిన వారిసు ట్రైలర్ కొన్ని క్షణాల క్రితమే విడుదల కావడం జరిగింది. వంశీ పైడిపల్లి డైరెక్షన్లో తలపతి విజయ్, రష్మిక మండన్నా జంటగా రూపొందిన ఈ సినిమాను శ్రీ వెంకటేశ్వర క్రియేషన్స్ బ్యానర్ పై దిల్ రాజు నిర్మిస్తున్నారు.
ఇక, ట్రైలర్ ఐతే, ఫ్యామిలీ ఎమోషన్ డ్రామాగా సాగింది. సంపన్న కుటుంబం, వయసు పై బడిన తల్లితండ్రులు, ముగ్గురు కొడుకులు, వీరిలో ఇద్దరు భార్య, పిల్లలతో తండ్రి బిజినెస్ వ్యవహారంలో చురుగ్గా పాల్గొనడం, పనీపాటా లేని మూడో కొడుకే హీరో. అతనంటే తండ్రికి ఇష్టం ఉండకపోవడం.. ఫ్యామిలీ బిజినెస్ లో ఔటర్స్ ఎంటర్ కావడం, ఫ్యామిలీ చీలిపోవడం, అప్పుడు మన హీరో బిజినెస్ లోకి, అలానే శత్రువుల జీవితాలలోకి ఎంట్రీ ఇవ్వడం.. ఫైనల్గా కుటుంబాన్ని ఒక్కటి చెయ్యడం... కథ పాతదే అయినా.. టేకింగ్ కొత్తగా ఉన్నట్టు ట్రైలర్ ని బట్టి తెలుస్తుంది. మరి, వెండితెరపై వారిసు తన మాయాజాలాన్ని చూపిస్తే బొమ్మ బ్లాక్ బస్టర్ అవ్వడం ఖాయం.
ప్రకాష్ రాజ్, శరత్ కుమార్, జయసుధ, శామ్, శ్రీకాంత్, సంగీత ముఖ్యపాత్రలు పోషిస్తున్న ఈ సినిమాకు థమన్ సంగీతం అందించారు. పొంగల్ 2023 కానుకగా తమిళ, తెలుగు భాషలలో విడుదల కావడానికి రెడీ అవుతుంది.
|
|