'వీరసింహా రెడ్డి' ట్రైలర్ పై భారీ అంచనాలను పెంచుతున్న థమన్
cinema | Suryaa Desk | Published : Wed, Jan 04, 2023, 05:04 PM
గోపీచంద్ మలినేని దర్శకత్వంలో నటసింహ బాలకృష్ణ సినిమా చేస్తున్నట్లు ప్రకటించిన సంగతి అందరికి తెలిసిన విషయమే. ఈ సినిమాకి 'వీర సింహారెడ్డి' అనే టైటిల్ ని లాక్ చేసారు. వీరసింహా రెడ్డి జనవరి 12, 2023న సంక్రాంతికి ప్రపంచవ్యాప్తంగా గ్రాండ్ థియేట్రికల్ రిలీజ్ కి సిద్ధంగా ఉంది.
తాజగా ఇప్పుడు, ఈ ఫ్యాక్షన్ డ్రామా సినిమా ట్రైలర్పై సంగీత దర్శకుడు తమన్ ఆసక్తికర ట్వీట్ చేశారు. ట్రైలర్ చూసిన థమన్ ఒక్క మాటలో ట్రైలర్ ఎలా ఉంటుందో వివరించాడు. ఈ సినిమాపై మ్యూజిక్ డైరెక్టర్ భారీ అంచనాలను పెంచాడు. జనవరి 6న జరగనున్న ప్రీ రిలీజ్ ఈవెంట్లో ట్రైలర్ని విడుదల చేయాలని మూవీ మేకర్స్ ప్లాన్ చేస్తున్నట్లు సమాచారం.
ఈ యాక్షన్ డ్రామా సినిమాలో బాలయ్య సరసన శృతి హాసన్ జోడిగా నటిస్తోంది. ఈ సినిమాలో వరలక్ష్మి శరత్కుమార్, దునియా విజయ్ కీలక పాత్రలో కనిపించనున్నారు. మైత్రీ మూవీ మేకర్స్ నిర్మించిన ఈ చిత్రానికి థమన్ ఎస్ సంగీతం అందించారు.
|
|