డైనమిక్ హీరో బెల్లంకొండ సాయిశ్రీనివాస్ పుట్టినరోజు..!!
cinema | Suryaa Desk | Published : Tue, Jan 03, 2023, 04:19 PM
ప్రముఖ నిర్మాత బెల్లంకొండ సురేష్ పెద్ద కుమారుడు బెల్లంకొండ సాయి శ్రీనివాస్ యాక్షన్ కామెడీ ఎంటర్టైనర్ 'అల్లుడు శ్రీను' తో తెలుగు వెండితెరకు పరిచయమయ్యారు. ఫస్ట్ మూవీ తోనే ఫిలింఫేర్ అవార్డు అందుకున్నారు. ఆపై స్పీడున్నోడు, జయ జానకి నాయక, సాక్ష్యం, కవచం, సీత, రాక్షసుడు, అల్లుడు అదుర్స్ వంటి కమర్షియల్ సినిమాలలో నటించి, మంచి గుర్తింపును సంపాదించారు.
బెల్లంకొండ నుండి సినిమా వచ్చి రెండేళ్లు దాటిపోతుంది. ఈ సమయంలో బాలీవుడ్ లో లాంచ్ అయ్యేందుకు శ్రీనివాస్ ప్రయత్నాలు మొదలెట్టారు. ఈ మేరకు ప్రభాస్ సూపర్ హిట్ మూవీ "ఛత్రపతి" ని హిందీలో, వి వి వినాయక్ డైరెక్షన్ లో చేస్తూ శ్రీనివాస్ బిజీగా ఉన్నారు. ఈ సినిమా షూటింగ్ ఫైనల్ స్టేజ్ కు వచ్చేయగా , మరల తెలుగులో సినిమాలు చేసేందుకు శ్రీనివాస్ రెడీ అవుతున్నారని తెలుస్తుంది.
పోతే, ఈ రోజు ఈ యంగ్ అండ్ డైనమిక్ హీరో పుట్టినరోజు. దీంతో ఆయనను ఎంతగానో మిస్ అవుతున్న అభిమానులు త్వరలోనే ఒక మంచి సినిమాతో అలరించాలని కోరుకుంటూ పుట్టినరోజు శుభాకాంక్షలు తెలియచేస్తున్నారు.
|
|