రికార్డు సృష్టించిన 'ధమాకా' పదవరోజు కలెక్షన్లు ..!!
cinema | Suryaa Desk | Published : Mon, Jan 02, 2023, 05:20 PM
మాస్ రాజా రవితేజ అభిమానులకు ఖిలాడీ, రామారావు ఆన్ డ్యూటీ బ్యాక్ టు బ్యాక్ డిజాస్టర్లు మిగిల్చిన చేదు అనుభవాన్ని రీసెంట్గా విడుదలైన 'ధమాకా' పూర్తిగా చెరిపివేసింది. 2022 చివర్లో రవితేజ నుండి ధమాకా వచ్చి, మాస్ రాజా ఫ్యాన్స్ ను ఆనందోత్సాహాల్లో ముంచెత్తుతుంది. నక్కిన త్రినాధరావు డైరెక్షన్లో రూపొందిన ఈ కమర్షియల్ యాక్షన్ ఎంటర్టైనర్ లో శ్రీలీల హీరోయిన్ గా నటించగా, భీమ్స్ సంగీతం అందించారు. పీపుల్ మీడియా ఫ్యాక్టరీ నిర్మించింది.
తొలి షో నుండే సూపర్ హిట్ టాక్ తో రన్ అవుతున్న ధమాకా బాక్సాఫీస్ వద్ద ధమఖేదర్ వసూళ్లను రాబడుతున్న విషయం తెలిసిందే. ఈ మేరకు పదవరోజైన నిన్న అంటే న్యూ ఇయర్ రోజున తొలిరోజుకు రెట్టింపు వసూళ్లను ధమాకా రాబట్టింది. అంతేకాక ఆంధ్రప్రదేశ్, తెలంగాణాలలో పదవరోజు హైయెస్ట్ షేర్ సాధించిన నాల్గవ సినిమాగా ధమాకా సినిమా రికార్డు సృష్టించింది. ఈ లిస్ట్ లో RRR, బాహుబలి 2, బాహుబలి 1 మొదటి మూడు స్థానాల్లో ఉన్నాయి. దీంతో ధమాకా చిత్రబృందం సంతోషాన్ని వ్యక్తం చేస్తుంది. మాస్ రాజా అభిమానుల ఆనందానికి అవధులు లేకుండా పోయింది.
|
|