'మట్టి కుస్తీ' డిజిటల్ ఎంట్రీ పై లేటెస్ట్ బజ్
cinema | Suryaa Desk | Published : Wed, Dec 21, 2022, 07:01 PM
చెల్లా అయ్యావు దర్శకత్వంలో తమిళ స్టార్ హీరో విష్ణు విశాల్ నటించిన 'మట్టి కుస్తి' సినిమా డిసెంబర్ 2, 2022న గ్రాండ్ గా విడుదల అయ్యింది. ఈ సినిమా విడుదలైన అన్ని చోట్ల మిక్స్డ్ టాక్ ని సొంతం చేసుకుంది. ఈ చిత్రం యొక్క డిజిటల్ స్ట్రీమింగ్ రైట్స్ ని నెట్ఫ్లిక్స్ సొంతం చేసుకున్న సంగతి అందరికి తెలిసిందే.
లేటెస్ట్ రిపోర్ట్స్ ప్రకారం, విష్ణు విశాల్ నటించిన ఈ చిత్రం నెట్ఫ్లిక్స్లో డిసెంబర్ 30, 2022న తమిళం మరియు తెలుగులో ప్రదర్శించబడుతుంది అని సమాచారం. ఈ విషయం గురించిన అధికారిక ప్రకటన త్వరలో OTT ప్లాట్ఫారమ్ నుండి వెలువడే అవకాశం ఉంది.
ఈ స్పోర్ట్స్ ఫ్యామిలీ డ్రామాలో విష్ణు విశాల్ కి లేడీ లవ్ గా ఐశ్వర్య లక్ష్మి నటిస్తోంది. ఈ సినిమాకి జస్టిన్ ప్రభాకరన్ సంగీతం అందిస్తున్నారు. మాస్ మహారాజా రవితేజ తన హోమ్ బ్యానర్ అయిన ఆర్టి టీమ్వర్క్స్పై ఈ చిత్రాన్ని నిర్మిస్తున్నారు.
|
|