హార్రర్ థ్రిల్లింగ్ ఎలిమెంట్స్ తో ఆకట్టుకుంటున్న "S 5 నో ఎక్జిట్" టీజర్..!!
cinema | Suryaa Desk | Published : Thu, Dec 15, 2022, 07:04 AM
తారకరత్న, సాయికుమార్, ప్రిన్స్ ముఖ్యపాత్రలు పోషిస్తున్న చిత్రం "S 5 నో ఎక్జిట్" . భరత్ కోమలపాటి డైరెక్షన్లో హార్రర్ ఎలిమెంట్స్ తో కూడిన థ్రిల్లర్ మూవీగా రూపొందిన ఈ చిత్రాన్ని శౌరి ఎంటర్టైన్మెంట్స్ బ్యానర్ పై అరుణ్ ప్రతాప్ రెడ్డి, గౌతమ్ కొండేపూడి, దేవు శామ్యూల్, షేక్ రహీం నిర్మించారు.
లేటెస్ట్ గా ఈ మూవీ టీజర్ విడుదలైంది. టైటిల్ కి తగ్గట్టుగానే ఈ సినిమా బ్యాక్ డ్రాప్ ఎక్కువశాతం ట్రైన్ లో ఉండే S 5 భోగిలో జరుగుతుంది. హ్యాపీ గా సాగిపోతున్న రైలు ప్రయాణంలో ప్రయాణికులు ఎదుర్కొన్న భయంకర పరిస్థితులేంటి? దానికి కారణం ఎవరు? నిజంగానే S 5 భోగిలో దెయ్యం ఉందా? అదే అందరిని చంపేస్తుందా? అనే ఆసక్తికరమైన ప్రశ్నలకు సమాధానం తెలియాలంటే, డిసెంబర్ 30వ తేదీన ధియేటర్లలో విడుదల కాబోయే ఈ సినిమాను చూడాల్సిందే.
అవంతికా హరి, అలీ, సునీల్, సురేష్ వర్మ, మెహబూబ్, రఘు, సంజయ్, ఫిష్ వెంకట్, రమణ రెడ్డి కీలకపాత్రల్లో నటిస్తున్న ఈ చిత్రానికి మణిశర్మ గారు సంగీతం అందించారు.
|
|