OTT ప్లాట్ఫారమ్లో 'యశోద' సెన్సేషన్
cinema | Suryaa Desk | Published : Mon, Dec 12, 2022, 06:23 PM
హరి శంకర్ అండ్ హరీష్ నారాయణ్ డైరెక్షన్ లో సౌత్ ఇండియా సిజ్లింగ్ బ్యూటీ సమంత రూత్ ప్రభు నటించిన 'యశోద' మూవీ నవంబర్ 11, 2022న థియేటర్లలో తమిళం, తెలుగు, హిందీ, మలయాళం, కన్నడ భాషల్లో ప్రేక్షకుల ముందుకు వచ్చింది. ఈ చిత్రం యొక్క OTT రైట్స్ ని అమెజాన్ ప్రైమ్ వీడియో 10 కోట్లకు సొంతం చేసుకున్న సంగతి తెలిసిందే.
తాజాగా ఈ చిత్రం డిసెంబర్ 9 నుంచి అమెజాన్ ప్రైమ్ వీడియోలో ప్రసారానికి అందుబాటులోకి వచ్చింది. లేటెస్ట్ రిపోర్ట్స్ ప్రకారం, ఈ థ్రిల్లర్ సినిమాకు OTT ప్రేక్షకుల నుండి కూడా భారీ స్పందన వస్తోంది. ప్రేక్షకులను ఉర్రూతలూగించే సాలిడ్ కంటెంట్ను కలిగి ఉన్న ఈ చిత్రం ఇప్పుడు భారతదేశంలోని అమెజాన్ ప్రైమ్ వీడియోలో చార్టులలో అగ్రస్థానంలో ఉంది.
సైన్స్ ఫిక్షన్ థ్రిల్లర్ ట్రాక్ లో వస్తున్న ఈ సినిమాలో రావు రమేష్, వరలక్ష్మి శరత్కుమార్, ఉన్ని ముకుందన్, మురళీ శర్మ, సంపత్ రాజ్, శత్రు, మధురిమ, కల్పిక గణేష్, దివ్య శ్రీపాద, ప్రియాంక శర్మ ముఖ్య పాత్రలు పోషిస్తున్నారు. శ్రీదేవి మూవీ బ్యానర్పై శివలెంక కృష్ణ ప్రసాద్ ఈ సినిమాని నిర్మించారు.
|
|