అఫీషియల్ : కన్నడ సెన్సేషన్ ఇకపై ఇంగ్లీషులో కూడా..!!
cinema | Suryaa Desk | Published : Wed, Dec 07, 2022, 12:25 PM
కన్నడలో సెన్సేషన్ సృష్టించి, ఆపై ఇతర ప్రాంతీయ భాషల్లో విడుదలై అక్కడ కూడా ప్రభంజన విజయం సాధించిన "కాంతార" రీసెంట్గానే డిజిటల్ ఎంట్రీ ఇచ్చి అక్కడ కూడా సూపర్ హిట్ గా నిలిచింది. కన్నడ నటుడు రిషబ్ శెట్టి డైరెక్ట్ చేసి, హీరోగా నటించిన ఈ సినిమా ఈ శుక్రవారం నుండి హిందీ డిజిటల్ ప్రేక్షకులను పలకరించబోతుంది.
తాజా అధికారిక సమాచారం మేరకు, కాంతార ఇంగ్లీష్ భాషలో కూడా అనువాదమవబోతుంది. ఈ మేరకు ప్రముఖ ఓటిటి సంస్థ నెట్ ఫ్లిక్స్ అఫీషియల్ క్లారిటీ ఇచ్చింది. హిందీతో పాటుగా ఇంగ్లీష్ లో కూడా కాంతార సినిమాను చూసే అవకాశం నెట్ ఫ్లిక్స్ అందిస్తుందని ప్రచార వీడియోను విడుదల చేసింది. ఐతే, కాంతార ఇంగ్లీష్ స్ట్రీమింగ్ కోసం వచ్చే నెల వరకు ఎదురుచూడాల్సిందే.
ప్రముఖ కన్నడ నిర్మాణ సంస్థ హోంబలే ఫిలిమ్స్ ఈ సినిమాను నిర్మించగా, అజనీష్ లోక్ నాధ్ సంగీతం అందించారు. కిషోర్, అచ్యుత్ కుమార్ ముఖ్యపాత్రల్లో నటించారు.
|
|