బాలయ్య టాక్ షోకు ప్రభాస్ ..ప్రోమో షూటింగ్ !!
cinema | Suryaa Desk | Published : Tue, Dec 06, 2022, 11:55 PM
నటసింహం నందమూరి బాలకృష్ణ గారు తొలిసారి హోస్ట్ చేస్తున్న టాక్ షో అన్ స్టాపబుల్ విత్ NBK. ఫస్ట్ సీజన్ తో గతేడాదిలో తెలుగు ప్రేక్షకులను విశేషంగా అలరించిన ఈ టాక్ షో ప్రస్తుతం సెకండ్ సీజన్ జరుపుకుంటుంది. సినీరాజకీయ నాయకుల సమ్మిళిత ఎంటర్టైన్మెంట్ తో ఈసారి టాలీవుడ్ జనాలకు అన్ స్టాపబుల్ మేకర్స్ డబుల్ ధమాకా ఇచ్చారు.
ఇప్పటికే సినీరాజకీయ రంగాలకు సంబంధించి నారా చంద్రబాబు నాయుడు గారు, లోకేష్, విశ్వక్ సేన్, సిద్ధూ జొన్నలగడ్డ, శర్వానంద్, అడివిశేష్, అల్లుఅరవింద్, సురేష్ బాబు, కోదండ రామిరెడ్డి, రాఘవేంద్ర రావు గారు... హాజరై బాలయ్యతో సరదాగా కబుర్లు చెప్పారు.
అన్ స్టాపబుల్ లేటెస్ట్ ఎపిసోడ్ కు పాన్ ఇండియా సూపర్ స్టార్ ప్రభాస్ రాబోతున్నాడని కొన్ని రోజులుగా సోషల్ మీడియాలో వార్త వినబడుతుంది. తాజాగా అందుతున్న సమాచారం మేరకు ఈ వార్త నిజమేనని అంటే, బాలయ్యతో ప్రభాస్ సరదాగా కబుర్లు చెప్పనున్నారని తెలుస్తుంది. ఈ మేరకు ప్రోమో షూట్ కూడా జరుగుతుందంట. ఇక, అధికారిక ప్రకటన రావడమే ఆలస్యం.
|
|