అతి త్వరలోనే బాలయ్య - అనిల్ రావిపూడి సినిమా ప్రారంభం..!!
cinema | Suryaa Desk | Published : Sat, Nov 19, 2022, 09:10 AM
నటసింహం నందమూరి బాలకృష్ణ గారు ప్రస్తుతం చాలా బిజీగా గడుపుతున్నారు. ఒక పక్క వీరసింహారెడ్డి షూటింగ్, మరోపక్క అన్ స్టాపబుల్ టాక్ షో షూటింగ్ అంటూ క్షణం తీరిక లేకుండా గడుపుతూనే యంగ్ హీరోల మూవీ ఈవెంట్స్ కు చీఫ్ గెస్ట్ గా హాజరవుతున్నారు.
గోపీచంద్ మలినేని తో చేస్తున్న వీరసింహారెడ్డి షూటింగ్ ఫైనల్ స్టేజ్ లో ఉండడం, వచ్చే సంక్రాంతికి విడుదల తేదీని ఖరారు చేసుకోవడంతో, బాలయ్య నెక్స్ట్ పై ఆసక్తిగా చూస్తున్నారు అభిమానులు. బాలయ్య నెక్స్ట్ మూవీని అనిల్ రావిపూడితో ప్రకటించిన విషయం తెలిసిందే. ఈ మేరకు పక్కా స్క్రిప్ట్ తో రెడీగా ఉన్న అనిల్ బాలయ్య రాకకై ఎదురుచూస్తున్నారు.
ఈ నేపథ్యంలో డిసెంబర్ 8వ తేదీన బాలయ్య - అనిల్ రావిపూడిల సినిమాకు సంబంధించి లాంఛనంగా పూజా కార్యక్రమం జరగనుందని టాక్. ఆపై జనవరి నుండి రెగ్యులర్ షూటింగ్ ప్రారంభిస్తారట. ఈ మేరకు అధికారిక ప్రకటన త్వరలోనే రానుందట.
|
|