నేడు హైదరాబాద్లో జరుగనున్న 'లవ్ టుడే' గ్రాండ్ ఆడియో లాంచ్ ఈవెంట్
cinema | Suryaa Desk | Published : Fri, Nov 18, 2022, 04:42 PM
కోమలి ఫేమ్ దర్శకుడు ప్రదీప్ రంగనాథన్ కొత్త సినిమా 'లవ్ టుడే' గత వారం విడుదలై బాక్సాఫీస్ వద్ద సంచలనం సృష్టిస్తోంది. రొమాంటిక్ కామెడీ ట్రాక్ లో వచ్చిన ఈ సినిమాలో ప్రదీప్ రంగనాథన్ సరసన ఇవానా జంటగా నటించారు. ఈ సినిమా తెలుగు డబ్బింగ్ వెర్షన్ నవంబర్ 18, 2022న విడుదల కానుంది. ప్రముఖ నిర్మాత దిల్ రాజు ఈ సినిమాని తెలుగు రాష్ట్రాల్లో విడుదల చేస్తున్నారు. తాజాగా లవ్ టుడే సినిమా తెలుగు ట్రైలర్ను విజయ్ దేవరకొండ విడుదల చేశారు. కామెడీ పంచ్లతో ట్రైలర్ ప్రేక్షకులను ఆకట్టుకుంది.
లేటెస్ట్ అప్డేట్ ప్రకారం, ఈరోజు సాయంత్రం 6 గంటల నుంచి హైదరాబాద్లోని దస్పల్లా కన్వెన్షన్లో ఆడియో లాంచ్ ఈవెంట్ గ్రాండ్గా జరుగనున్నట్లు మేకర్స్ ప్రకటించారు. సత్యరాజ్, రాధికా శరత్కుమార్, యోగి బాబు తదితరులు ఈ చిత్రంలో కీలక పాత్రలు పోషించారు. ఏజీఎస్ ఎంటర్టైన్మెంట్స్ ఈ సినిమాని నిర్మించింది. ఈ చిత్రానికి యువన్ శంకర్ రాజా సంగీతం అందించారు.
|
|