లేడీ సూపర్ స్టార్ నయనతార పుట్టినరోజు..!!
cinema | Suryaa Desk | Published : Fri, Nov 18, 2022, 08:41 AM
కోలీవుడ్ లేడీ సూపర్ స్టార్ గా ప్రేక్షకుల హృదయాలలో చెరగని ముద్ర వేసింది హీరోయిన్ నయనతార. ఈ రోజు నయన్ 38వ పుట్టినరోజును జరుపుకుంటుంది. దీంతో ప్రేక్షకాభిమానులు ఆమెకు సోషల్ మీడియా ద్వారా పుట్టినరోజు శుభాకాంక్షలను తెలియచేస్తున్నారు.
18, నవంబర్ 1984లో డయానా మరియం కురియన్ గా జన్మించిన నయనతార సినిమాల్లోకి వచ్చాక తన పేరును మార్చుకోవడం జరిగింది. "మనస్సినక్కరే" మలయాళ మూవీతో 2003 లో యాక్టింగ్ కెరీర్ ను స్టార్ట్ చేసిన నయన్ ఇరవై ఏళ్ళ సినీ కెరీర్ లో 75 సినిమాలలో నటించింది.
తెలుగు, తమిళం, మలయాళం సినీ పరిశ్రమల్లో పలు సినిమాలకు ఫిలిం ఫేర్ అవార్డులను అందుకుంది. లక్ష్మి, బాస్, యోగి, దుబాయ్ శీను, తులసి, ఆంజనేయులు, అదుర్స్, సింహ, శ్రీరామరాజ్యం వంటి సూపర్ హిట్ చిత్రాలలో నటించి తెలుగు ప్రేక్షకుల్లో చాలామంచి పాపులారిటీని సంపాదించుకుంది.
పోతే, ఈ ఏడాదిలో నయన్ డైరెక్టర్ విఘ్నేష్ శివన్ ను ప్రేమించి పెళ్లి చేసుకుంది. అలానే ఈ ఏడాదిలోనే నయన్ మరియు విగ్నేష్ లు సరోగసి ద్వారా కవలలకు జన్మనిచ్చారు. దీంతో ఈ ఏడాది పుట్టినరోజు నయన్ జీవితంలో చాలా మధురంగా నిలిచిపోనుంది.
|
|