లేడీ సూపర్స్టార్ దారిలోనే హన్సిక కూడా...!!
cinema | Suryaa Desk | Published : Tue, Nov 15, 2022, 06:15 PM
కోలీవుడ్ లేడీ సూపర్ స్టార్ నయనతార వివాహం జూన్ లో జరిగింది. డైరెక్టర్ విగ్నేష్ శివన్ తో నయన్ పెళ్లి అంగరంగ వైభవంగా జరిగింది. తన వివాహాన్ని కళ్లారా చూసి తరించాలనుకునే వేలమంది అభిమానుల కోసం నయన్ నెట్ ఫ్లిక్స్ తో డీల్ కుదుర్చుకుంది. ఈ మేరకు నెట్ ఫ్లిక్స్ సంస్థ నయన్ - విగ్నేష్ ల పెళ్లిని పూర్తిగా కవర్ చేసి, త్వరలోనే డిజిటల్ లోకి తీసుకొచ్చేందుకు రంగం సిద్ధం చేస్తుంది.
నయన్ పాటించిన సేమ్ ప్లాన్ ను యంగ్ బ్యూటీ హన్సిక కూడా అనుసరిస్తున్నట్టు తెలుస్తుంది. ఈ మధ్యనే హన్సిక వివాహ ప్రకటన అధికారికంగా జరిగింది. స్నేహితుడు, బిజినెస్ పార్టనర్ సోహెల్ కతూరియా ను డిసెంబర్ 4న, జైపూర్ ముందోట కోటలో వివాహం చేసుకోబోతుంది హన్సిక. ఈ నేపథ్యంలో ప్రముఖ ఓటిటి కంపెనీ హన్సికను అప్రోచ్ అయ్యి, పెళ్లిని డిజిటల్ స్ట్రీమింగ్ చేసేందుకు బిగ్ డీల్ ను ఆఫర్ చేసినట్టు తెలుస్తుంది. హన్సిక కూడా ఇందుకు ఓకే చెప్పినట్టు తెలుస్తుంది. మరి, అధికారిక ప్రకటన రావడమే ఆలస్యం.
|
|