వరల్డ్ టీవీ ప్రీమియర్ తేదీని లాక్ చేసిన 'కార్తికేయ 2'
cinema | Suryaa Desk | Published : Mon, Nov 14, 2022, 05:59 PM
చందూ మొండేటి దర్శకత్వంలో టాలీవుడ్ యంగ్ అండ్ టాలెంటెడ్ హీరో నిఖిల్ సిద్ధార్థ నటించిన 'కార్తికేయ 2' సినిమా గ్రాండ్ గా రిలీజ్ అయ్యి విడుదలైన అన్ని చోట్ల పాజిటివ్ టాక్ ని అందుకొని సాలిడ్ కలెక్షన్స్ ని రాబట్టింది. ఈ చిత్రంలో నిఖిల్ కి లేడీ లవ్గా గ్లామర్ బ్యూటీ అనుపమ పరమేశ్వరన్ నటించింది. ఈ ఇన్వెస్టిగేటివ్ థ్రిల్లర్ డ్రామాలో సంతనుగా ఆదిత్య మీనన్, సులేమాన్గా హర్ష చెముడు, సదానందగా శ్రీనివాస రెడ్డి, ప్రవీణ్, సత్య మరియు తులసి ముఖ్యమైన పాత్రల్లో నటించారు.
లేటెస్ట్ అప్డేట్ ప్రకారం, ఈ సినిమా వరల్డ్ టీవీ ప్రీమియర్ నవంబర్ 20, 2022న సాయంత్రం 6 గంటలకు జీ తెలుగు ఛానెల్లో ప్రదర్శించబడుతుంది. అంతేకాకుండా, ఈ సినిమా హిందీ వెర్షన్ నవంబర్ 27, 2022న జీ సినిమాలో ప్రీమియర్ కానున్నట్లు సమాచారం. అభిషేక్ అగర్వాల్ ఆర్ట్స్ మరియు పీపుల్ మీడియా ఫ్యాక్టరీ ఈ సినిమాని నిర్మిస్తుంది. ఈ సినిమాకి కాల భైరవ సంగీతం అందించారు.
|
|