కర్ణాటకలో 'కాంతారా' సరికొత్త రికార్డు
cinema | Suryaa Desk | Published : Thu, Nov 10, 2022, 05:39 PM
రిషబ్ శెట్టి దర్శకత్వం వహించిన కన్నడ యాక్షన్ డ్రామా 'కాంతారా' పాజిటివ్ టాక్ తో బాక్సాఫీస్ వద్ద సాలిడ్ కలెక్షన్స్ ని రాబడుతుంది. తెలుగు రాష్ట్రాల్లో ఈ సినిమా రోజురోజుకు అనూహ్యంగా వసూళ్లు సాధిస్తోంది. ఈ చిత్రం కర్నాటకలో సరికొత్త రికార్డు సృష్టించింది. లేటెస్ట్ అప్డేట్ ప్రకారం, ఒక్క కర్ణాటక రాష్ట్రంలోనే ఈ సినిమా 1 కోటికి పైగా టిక్కెట్లు అమ్ముడయ్యాయి అని సమాచారం. అన్ని ఇండస్ట్రీస్ లో సంచలనంగా మారిన ఈ చిన్న-బడ్జెట్ చిత్రం యొక్క అద్భుతమైన విజయం ఇది అని చెప్పొచ్చు.
ఈ చిత్రానికి దర్శకత్వం వహించడమే కాకుండా రిషబ్ శెట్టి ఈ సినిమాలో ప్రధాన పాత్ర పోషించాడు. సప్తమి గౌడ ఈ సినిమాలో రిషబ్ శెట్టి సరసన జోడిగా నటిచింది. అంజనీష్ లోక్నాథ్ ఈ చిత్తానికి సంగీతాన్ని అందించారు. ఈ యాక్షన్-థ్రిల్లర్ సినిమాలో ప్రమోద్ శెట్టి, అచ్యుత్ కుమార్ మరియు నవీన్ డి పాడిల్ ముఖ్య పాత్రలు పోషిస్తున్నారు. ఈ చిత్రాన్ని హోంబలే ఫిల్మ్స్పై విజయ్ కిరగందూర్ నిర్మించారు.
|
|