'డ్రైవర్ జమున' తెలుగులో విడుదల కానుందా?
cinema | Suryaa Desk | Published : Wed, Nov 09, 2022, 07:03 PM
టాలీవుడ్ అండ్ కోలీవుడ్ లో గ్లామర్ తోనే కాకుండా తన నటనతో అందరి హృదయాలలో తనకంటూ ప్రత్యేక స్థానాన్ని ఏర్పరుచుకున్న ఐశ్వర్య రాజేష్ ఇప్పుడు ఒక క్రేజీ ప్రాజెక్ట్ ని ప్రకటించింది. పా.కిన్స్లిన్ దర్శకత్వంలో రానున్న ఈ సినిమాకి 'డ్రైవర్ జమున' అనే టైటిల్ ని మూవీ మేకర్స్ లాక్ చేసారు. మహిళా క్యాబ్ డ్రైవర్ రోజున జరిగే సంఘటనల చుట్టూ ఈ సినిమా వెళ్తుంది అని సమాచారం. ఈ చిత్రం నవంబర్ 11, 2022న థియేటర్లలో తమిళం, తెలుగు, మలయాళం, కన్నడ భాషల్లో విడుదల కానుంది.
కొన్ని నెలల క్రితం, డ్రైవర్ జమున ట్రైలర్ను మూవీ మేకర్స్ అన్ని భాషలలో విడుదల చేశారు. కానీ, ఇప్పుడు తమిళ వెర్షన్కి చేస్తున్నట్టుగా ఇతర భాషల్లో సినిమాను ప్రమోట్ చేయడం లేదు. ఈ శుక్రవారం తెలుగుతో పాటు ఇతర భాషల్లో సినిమా విడుదల కావడం లేదని వార్తలు వినిపిస్తున్నాయి. అంతేకాకుండా ఇతర వెర్షన్లను తర్వాత తేదీలో లేదా డైరెక్ట్ OTTలో విడుదల చేయవచ్చు అని సమాచారం.
ఆడుకలం నరేన్, కవితా భారతి, అభిషేక్ కుమార్, ఇళయ పాండి, మణికందన్ రాజేష్ తదితరులు ఈ చిత్రంలో కీలక పాత్రలు పోషించారు. ఈ చిత్రానికి గిబ్రాన్ సంగీతం అందించారు. 18 రీల్స్పై ఎస్.పి.చౌదరి ఈ సినిమాని నిర్మిస్తున్నారు.
|
|