విడుదల తేదీని ఖరారు చేసిన ఆది సాయికుమార్ 'టాప్ గేర్'
cinema | Suryaa Desk | Published : Wed, Nov 09, 2022, 06:30 PM
యంగ్ అండ్ ప్రామిసింగ్ హీరో ఆది సాయికుమార్ తన తదుపరి ప్రాజెక్ట్ ని శశికాంత్ దర్శకత్వంలో చేస్తున్న సంగతి అందరికి తెలిసిందే. ఈ సినిమాకి 'టాప్ గేర్' అనే టైటిల్ ని మూవీ మేకర్స్ లాక్ చేసారు. ఈ చిత్రంలో ఆది సాయికుమార్ సరసన జోడిగా రియా సుమన్ నటిస్తుంది. తాజగా ఇప్పుడు ఈ చిత్రాన్ని డిసెంబర్ 30, 2022న థియేటర్లలో విడుదల చేయనున్నట్లు అధికారికంగా మూవీ మేకర్స్ సోషల్ మీడియా ద్వారా ప్రకటించారు. ఈ చిత్రం పోస్ట్ ప్రొడక్షన్ పనులు శరవేగంగా జరుగుతున్నాయి.
సినిమా ఫస్ట్ లుక్ పోస్టర్, మోషన్ వీడియో, ఆ తర్వాత రొమాంటిక్ పోస్టర్ సినిమాపై ఆసక్తిని పెంచాయి. బ్రహ్మాజీ, సత్యం రాజేష్, మైమ్ గోపి, నర్రా, శత్రు, బెనర్జీ, గిరిధర్ తదితరులు ఈ చిత్రంలో కీలక పాత్రలు పోషించారు. పక్కా కమర్షియల్ ఎంటర్టైనర్గా రూపొందించబడిన టాప్ గేర్కి హర్షవర్ధన్ రామేశ్వర్ సంగీత అందిస్తున్నారు. ఆదిత్య మూవీస్ అండ్ ఎంటర్టైన్మెంట్స్ సమర్పణలో శ్రీ ధనలక్ష్మి ప్రొడక్షన్స్ బ్యానర్పై రూపొందనుంది. ఈ చిత్రాన్ని కె.వి.శ్రీధర్ రెడ్డి నిర్మిస్తున్నారు.
|
|