షారుఖ్ ఖాన్ ఐకానిక్ క్లాసిక్ రీమేక్ లో విజయ్ దేవరకొండ ..??
cinema | Suryaa Desk | Published : Fri, Nov 04, 2022, 04:11 PM
కింగ్ ఖాన్ షారుఖ్ ఖాన్, కాజోల్ జంటగా నటించిన సినిమా "దిల్ వాలే దుల్హనియా లేజాయేంగే"(DDLJ). 1995లో విడుదలైన ఈ హిందీ సినిమా రొమాంటిక్ ఫ్యామిలీ ఎంటర్టైనర్ గా ఇండియన్ బాక్సాఫీస్ ను ధుమ్ము దులిపేసింది. తదుపరి మిగిలిన భాషల్లో కూడా విడుదలై, ఘనవిజయం సాధించింది. ఆదిత్య చోప్రా దర్శకత్వం చేసిన ఈ సినిమా ఆ తరవాత వచ్చిన ఎన్నో ప్రేమకథా చిత్రాలకు బీజంగా నిలిచింది.
ఇప్పుడు ఈ విషయం గురించి ఎందుకు మాట్లాడుకున్నామంటే, మన రౌడీ హీరో విజయ్ దేవరకొండ DDLJ సీక్వెల్ లో నటించబోతున్నారని టాక్ నడుస్తుంది. లైగర్ డిజాస్టరైనా విజయ్ ఆఫర్లకు ఎలాంటి కొదువ లేదు. కరణ్ జోహార్ ఆల్రెడీ విజయ్ తో ఒక హిందీ సినిమా చెయ్యాలని చూస్తుంటే, తాజాగా విజయ్ కోసం మరో ప్రముఖ బాలీవుడ్ దర్శకుడు, నిర్మాత ఆదిత్య చోప్రా కూడా రంగంలోకి దిగారని తెలుస్తుంది. విజయ్ కున్న ఫ్యాన్ బేస్, క్రేజ్ కారణంగా DDLJ రీమేక్ ఆయనతో తీస్తే క్లిక్ అవుతుందని, ఈ మేరకు ప్రణాళికలు రచిస్తున్నారట.
అప్పటివరకు చిన్న హీరోగా ఉన్న షారుఖ్ ఖాన్ కి DDLJ స్టార్ స్టేటస్ ని కట్టబెట్టింది. ఆల్రెడీ స్టార్ ఇమేజ్ ఎంజాయ్ చేస్తున్న విజయ్ కు DDLJ ఎలాంటి విజయాన్ని అందిస్తుందో చూడాలి. అసలైనా ఈ విషయంలో ఎంతవరకు నిజముందో తెలియాల్సి ఉంది.
|
|