'తునివు' తమిళ్ థియేట్రికల్ రైట్స్ ని సొంతం చేసుకున్న రెడ్ జెయింట్ మూవీస్
cinema | Suryaa Desk | Published : Sat, Oct 29, 2022, 08:55 PM
కోలీవుడ్ స్టార్ హీరో అజిత్ కుమార్ తన తదుపరి చిత్రాన్ని దర్శకుడు హెచ్ వినోద్ అండ్ నిర్మాత బోనీ కపూర్తో ప్రకటించిన సంగతి అందరికి తెలిసిన విషయమే. ఈ చిత్రానికి 'తునివు' అనే టైటిల్ ని మూవీ మేకర్స్ లాక్ చేసారు. లేటెస్ట్ అప్డేట్ ప్రకారం, ఈ సినిమా తమిళనాడు థియేట్రికల్ రైట్స్ ని ఉదయనిధి స్టాలిన్ యొక్క రెడ్ జెయింట్ మూవీస్ భారీ మొత్తానికి సొంతం చేసుకున్నట్లు మూవీ మేకర్స్ అధికారకంగా ప్రకటించారు.
అందరూ ఎంతో ఆసక్తిగా ఎదురుచూస్తున్నా ఈ హీస్ట్ డ్రామా జనవరి 10, 2023న విడుదల కానుంది అని సమాచారం. ఈ చిత్రం బ్యాంకు దోపిడీకి సంబంధించినదని, అజిత్ ఈ సినిమాలో నెగిటివ్ రోల్లో కనిపించనున్నాడని సమాచారం. ఈ సినిమాలో అజిత్ కి జోడిగా మంజు వారియర్ నటిస్తుంది.
సముద్రఖని తదితరులు ఈ సినిమాలో కీలక పాత్రలు పోషిస్తున్నారు. ఈ సినిమాని బోనీ కపూర్ తన హోమ్ బ్యానర్ బే వ్యూ ప్రాజెక్ట్స్ ఎల్ఎల్పిపై నిర్మించారు. ఈ చిత్రానికి గిబ్రాన్ సంగీతం అందించారు.
|
|