నెట్ ఫ్లిక్స్ టాప్ ట్రెండింగ్లో ... వైష్ణవ్ తేజ్ "రంగరంగ వైభవంగా"
cinema | Suryaa Desk | Published : Thu, Oct 27, 2022, 04:12 PM
యంగ్ మెగా హీరో వైష్ణవ్ తేజ్ కెరీర్లో నటించిన మూడవ సినిమా "రంగరంగ వైభవంగా". సెప్టెంబర్ 2వ తేదీన థియేటర్లలో విడుదలైన ఈ సినిమా ప్రేక్షకులను అనుకున్న స్థాయిలో అలరించలేకపోయింది. అక్టోబర్ 2 నుండి డిజిటల్ ఎంట్రీ ఇచ్చేసిన ఈ మూవీ అక్కడ మాత్రం గట్టి సౌండ్ చేస్తుంది.
వైష్ణవ్ తేజ్, కేతికాశర్మ జంటగా నటించిన ఈ రొమాంటిక్ ఫ్యామిలీ ఎంటర్టైనర్ ప్రస్తుతం నెట్ ఫ్లిక్స్ లో స్ట్రీమింగ్ అవుతుంది. నాలుగు వారాలుగా నెట్ ఫ్లిక్స్ టాప్ 10 ట్రెండింగ్లో ఈ మూవీ ట్రెండ్ అవుతుంది. ధియేటర్ ఆడియన్స్ ను మెప్పించలేకపోయిన ఈ సినిమా ఓటిటి ప్రేక్షకులను మాత్రం విశేషంగా అలరిస్తుందని ఈ విషయం ద్వారా తెలుస్తుంది.
గిరీశాయ ఈ మూవీని డైరెక్ట్ చెయ్యగా, రాక్ స్టార్ దేవిశ్రీప్రసాద్ సంగీతం అందించారు. శ్రీవెంకటేశ్వర సినీ చిత్ర బ్యానర్ పై BVSN ప్రసాద్ ఈ సినిమాను నిర్మించగా, బాపినీడు సమర్పించారు.
|
|