సరికొత్త పోస్టర్ను రివీల్ చేసిన ధనుష్ 'సర్' టీమ్
cinema | Suryaa Desk | Published : Mon, Oct 24, 2022, 05:03 PM
వెంకీ అట్లూరి దర్శకత్వంలో కోలీవుడ్ స్టార్ హీరో ధనుష్ ఒక సినిమాని ప్రకటించిన సంగతి అందరికి తెలిసిందే. తెలుగు ద్విభాషా సినిమాగా రూపొందుతున్న ఈ చిత్రానికి తమిళంలో "వాతి" అని తెలుగులో "సర్" టైటిల్ ని ప్రకటించారు. ఈ సినిమాలో మలయాళ నటి సంయుక్తా మీనన్ కథానాయికగా నటిస్తుంది. ఈ సినిమా షూటింగ్ దాదాపు పూర్తి చేసుకుంది అని సమాచారం.
తాజాగా ఈరోజు దీపావళి సందర్భంగా, ఈ చిత్రానికి సంబంధించిన సరికొత్త పోస్టర్ను మూవీ మేకర్స్ విడుదల చేశారు. అయితే, గతంలో ప్రకటించిన విడుదల తేదీని మూవీ మేకర్స్ ఈ పోస్టర్ లో వెల్లడించలేదు. దాంతో ఈ సినిమా విడుదల వాయిదా పడిందని, కొత్త తేదీని త్వరలోనే ప్రకటిస్తామని మేకర్స్ స్పష్టం చేశారు.
ఈ సినిమాలో సాయి కుమార్ విలన్ గా కనిపించనున్నారు. ఈ చిత్రానికి జివి ప్రకాష్ కుమార్ సంగీతం అందించారు. సితార ఎంటర్టైన్మెంట్స్ మరియు ఫార్చూన్ ఫోర్ సినిమాస్ బ్యానర్లపై సూర్య దేవర నాగవంశీ మరియు సాయి సౌజన్య సంయుక్తంగా "సర్" చిత్రాన్ని నిర్మిస్తున్నారు.
|
|