"టిల్లు స్క్వేర్" - డబుల్ ఫన్ & రొమాన్స్ తో రాబోతున్న డీజే టిల్లు
cinema | Suryaa Desk | Published : Mon, Oct 24, 2022, 04:23 PM
ఈ ఏడాది విడుదలై టాలీవుడ్ బాక్సాఫీస్ వద్ద ఘనవిజయం సాధించిన సినిమాలలో ప్రత్యేకంగా చెప్పుకోవలసిన సినిమా ఏదన్నా ఉంది అంటే అది... ఖచ్చితంగా "డీజే టిల్లు"నే. విమల్ కృష్ణ డైరెక్షన్లో సిద్ధూ జొన్నలగడ్డ, నేహశర్మ జంటగా నటించిన ఈ సినిమా ప్రేక్షకులను విశేషంగా అలరించింది. బాక్సాఫీస్ వద్ద ఈ సినిమా బ్లాక్ బస్టర్ హిట్ గా నిలిచింది.
దీంతో ఈ మూవీ సీక్వెల్ పై ప్రేక్షకుల్లో భారీ అంచనాలు నెలకొన్నాయి. కొంచెంసేపటి క్రితమే డీజే టిల్లు సీక్వెల్ "టిల్లు స్క్వేర్" మూవీ ఎనౌన్స్మెంట్ జరిగింది. తాజాగా విడుదలైన సీక్వెల్ ఎనౌన్స్మెంట్ టీజర్ ను బట్టి అంచనాలకు ధీటుగా సీక్వెల్ ను మేకర్స్ ప్లాన్ చేస్తినట్టు తెలుస్తుంది.
పోతే, ముందుగా జరిగిన ప్రచారం మేరకే ఈ మూవీ డైరెక్టర్ అండ్ హీరోయిన్ లో మార్పు చోటు చేసుకుంది. ఫస్ట్ పార్ట్ కి డైరెక్టర్ విమల్ కృష్ణ ఐతే, సీక్వెల్ ను మల్లిక్ రామ్ తెరకెక్కిస్తున్నారు. అలానే టిల్లు కు జోడిగా నేహశర్మ నటిస్తే, టిల్లు స్క్వేర్ కి జోడిగా అనుపమ పరమేశ్వరన్ నటిస్తుంది. రామ్ మిరియాల సంగీతం అందిస్తున్నారు. వచ్చే ఏడాది మార్చిలో విడుదల కావడానికి రెడీ అవుతుంది.
|
|