ప్రిన్స్, సర్దార్, జిన్నా, ఓరి దేవుడా... దీపావళి టపాకాగా నిలిచే చిత్రమేది?
cinema | Suryaa Desk | Published : Thu, Oct 20, 2022, 07:13 PM
ఇరు తెలుగు రాష్ట్రాల ధియేటర్ల వద్ద రేపు సందడి నెలకొంది. హా... ఏముంది శుక్రవారం కదా ఏదో కొత్త సినిమా రిలీజ్ అయ్యుంటుందని లైట్ తీసుకోకండి... ఈ సారి ఒకేసారి నాలుగు స్టార్ హీరోల సినిమాలు టాలీవుడ్ బాక్సాఫీస్ వద్ద తలపడడానికి రెడీ అయ్యాయి. ఇందులో రెండు కోలీవుడ్ హీరోల ద్విభాషా చిత్రాలు కాగా, మరో రెండు తెలుగు హీరోల సినిమాలు. అవేంటి అనుకుంటున్నారా... కోలీవుడ్ హీరోల సినిమాలు వచ్చేసి ప్రిన్స్, సర్దార్, తెలుగు హీరోల సినిమాలేమో ఓరి దేవుడా, జిన్నా.
ఈ నాలుగు సినిమాలు కూడా దేనికదే విభిన్నం. ప్రిన్స్ సినిమా ఇన్నర్ మెసేజ్ తో తెరకెక్కిన రొమాంటిక్ కామెడీ ఎంటర్టైనర్ ఐతే, సర్దార్ వచ్చేసి... పక్కా ఔటండౌట్ యాక్షన్ ఎంటర్టైనర్, ఇక ఓరి దేవుడా... సినిమా ఏమో ఆల్రెడీ తమిళంలో సూపర్ హిట్ ఐన ఓహ్ మై కడవులే కి తెలుగు రీమేక్. ఈ విషయం పక్కన పెడితే, రొమాంటిక్ ఫీల్ గుడ్ ఎంటర్టైనర్ గా తెరకెక్కింది. లాస్ట్ బట్ నాట్ ది లీస్ట్ జిన్నా సినిమా హారర్ కామెడీ నేపథ్యంలో ప్రేక్షకులను అలరించడానికి రెడీ అయ్యింది.
ప్రిన్స్ తో కోలీవుడ్ హీరో శివకార్తికేయన్, సర్దార్ తో కార్తీ తెలుగులో ఎలాంటి విజయం సొంతం చేసుకుంటారో అని అంతటా ఆసక్తి నెలకొంది. అలానే ఓరి దేవుడా తో విశ్వక్ సేన్ తన హిట్ ట్రాక్ ను కంటిన్యూ చేస్తాడా...? 'జిన్నా' తో మంచు విష్ణు తన అపజయాల పరంపరకు ఫుల్ స్టాప్ పెడతాడా...? మొత్తానికి వీటిలో దీపావళి టపాకాగా నిలిచే చిత్రాలేవి ? తెలుసుకోవాలంటే ఇంకాస్త సమయం వేచి చూడాలి.
|
|