ఆసక్తిని రేకెత్తిస్తున్న సందీప్ కిషన్ "మైఖేల్" టీజర్ ..!!
cinema | Suryaa Desk | Published : Thu, Oct 20, 2022, 06:16 PM
కొంచెంసేపటి క్రితమే యంగ్ హీరో సందీప్ కిషన్ నటిస్తున్న తొలి పాన్ ఇండియా మూవీ "మైఖేల్" నుండి టీజర్ రిలీజ్ అయ్యింది. టీజర్ బ్యాక్గ్రౌండ్ లో వచ్చే మోటివేషనల్ డైలాగులు సినిమాపై ఆసక్తిని కలిగిస్తున్నాయి. వేటాడి ఆకలి తీర్చుకోవాలంటే, వేటాడడం తెలియాల్సిన అవసరం లేదు... మన్నిస్తే మనం దేవుడవుతాం ... కానీ నేను మనిషిలానే ఉండాలనుకుంటున్నాను... అని సందీప్ చెప్పే వన్ లైనర్స్ చాలా బాగున్నాయి. టీజర్ చూస్తుంటే ఎదో బలమైన కంటెంట్ తోనే ఈ సారి సందీప్ కిషన్ ప్రేక్షకుల ముందుకు రాబోతున్నాడని క్లియర్ గా అర్ధమవుతుంది. టీజర్ లో ముఖ్యంగా చెప్పుకోవలసింది... బ్యాక్గ్రౌండ్ స్కోర్ గురించి... సామ్ సీఎస్ ఇచ్చిన BGM అద్దిరిపోయింది.
రంజిత్ జయకోడి డైరెక్షన్లో సందీప్ కిషన్, దివ్యాన్ష కౌశిక్ జంటగా నటిస్తున్న ఈ సినిమాను పుస్కూర్ రామ్మోహన్ రావు, భరత్ చౌదరి నిర్మిస్తున్నారు.
విలక్షణ నటుడు విజయ్ సేతుపతి, గౌతమ్ వాసుదేవ్ మీనన్, వరుణ్ సందేశ్, అనసూయ భరద్వాజ్, అయ్యప్ప శర్మ, వరలక్ష్మి శరత్ కుమార్ కీలకపాత్రలు పోషిస్తున్నారు.
|
|