RRR ఇన్ జపాన్ :రజినికాంత్ పాతికేళ్ల రికార్డ్ బ్రేక్ అవుతుందా...?
cinema | Suryaa Desk | Published : Thu, Oct 20, 2022, 12:11 PM
RRR సినిమాకు ఇండియాలో అలానే ఓవర్సీస్ లో ప్రేక్షకుల నుండి ఎలాంటి భారీ క్రేజ్ వచ్చిందో ప్రత్యేకంగా చెప్పనవసరం లేదు. రాజమౌళి డైరెక్షన్లో జూనియర్ ఎన్టీఆర్, రాంచరణ్ కలిసి నటించిన ఈ మల్టీస్టారర్ లో ఆలియాభట్, అజయ్ దేవగణ్, ఒలీవియా మోరిస్, శ్రేయాశరణ్ కీలకపాత్రలు పోషించారు. మార్చి 25న పాన్ ఇండియా భాషల్లో విడుదలైన ఈ చిత్రం అత్యధిక కలెక్షన్లు సాధించిన నాల్గవ భారతీయ చిత్రంగా రికార్డు సృష్టించింది.
తాజాగా ఈ సినిమా రేపు జపాన్ దేశంలో విడుదల కావడానికి రెడీ అవుతుంది. ఈ మేరకు జక్కన్న, తారక్, చెర్రీలు జపాన్ లో ముమ్మర ప్రచారం చేస్తున్నారు. ఈ నేపథ్యంలో ఆడియన్స్ నుండి ఒక ఇంట్రెస్టింగ్ ప్రశ్న ఎదురవుతుంది.
అదేంటంటే, ఇండియా మరియు ఓవర్సీస్ లో ఇంతటి భారీ ప్రజాదరణకు నోచుకున్న RRR, జపాన్ లో పాతికేళ్ళు పైబడి చెక్కుచెదరకుండా ఉన్న రికార్డును బ్రేక్ చేస్తుందా? అని. అంటే 1995లో జపాన్ లో విడుదలైన సూపర్ స్టార్ రజినీకాంత్ బ్లాక్ బస్టర్ ముత్తు జపాన్ లో కూడా విడుదలై 400 మిలియన్ యెన్ లను కలెక్ట్ చేసి, హైయెస్ట్ ఇండియన్ గ్రాసర్ గా నిలిచింది. బాహుబలి జపాన్ లో విడుదలై 365 మిలియన్ యెన్ లను కలెక్ట్ చేసి సెకండ్ హైయెస్ట్ గ్రాసర్ గా నిలిచింది కానీ, రజినీ రికార్డును బీట్ చెయ్యలేకపోయింది. ఈ నేపథ్యంలో RRR మూవీ జపాన్ లో రజినీకాంత్ సెట్ చేసిన ఆల్ టైం రికార్డును బ్రేక్ చేస్తుందా అనే ప్రశ్న ఆసక్తికరంగా మారింది. ఇందుకు సమాధానం తెలియాలంటే ఇంకొన్నాళ్ళు ఎదురు చూడాలి
|
|