ట్రెండింగ్
వెటరన్ ప్రొడ్యూసర్ కాట్రగడ్డ మురారిగారి మరణం..
cinema | Suryaa Desk | Published : Sat, Oct 15, 2022, 11:28 PM
తెలుగు చలనచిత్ర పరిశ్రమలో ఆణిముత్యాల్లాంటి మ్యూజికల్ హిట్స్ నిర్మించిన వెటరన్ ప్రొడ్యూసర్ కాట్రగడ్డ మురారి గారు శనివారం మరణించడం జరిగింది. 78ఏళ్ళ వృద్ధప్రాయంలో చెన్నైలోని స్వగృహంలో ఆయన పరమపదించారు.
మురారి గారు విజయవాడలో 1944, జూన్ 14న జన్మించారు. అసిస్టెంట్ డైరెక్టర్ గా సినీ ప్రయాణం మొదలెట్టిన మురారిగారు ఆపై యువచిత్ర ఆర్ట్స్ బ్యానర్ ను నిర్మించి , ఎన్నో సక్సెస్ఫుల్ సినిమాలకు నిర్మాతగా వ్యవహరించారు.
ఆయన సినిమాలన్నీ కూడా మ్యూజికల్ హిట్సే. అన్నిటికి కూడా లేట్ లెజెండ్ కేవీ మహదేవన్ గారు సంగీతం అందించారు. వీరి కాంబినేషన్ లో వచ్చిన సీతామహాలక్ష్మీ, గోరింటాకు, త్రిశూలం, సీతారామకల్యాణం, శ్రీనివాస కళ్యాణం, జానకి రాముడు, నారి నారి నడుమ మురారి వంటి బ్లాక్ బస్టర్ హిట్స్ ఉన్నాయి. 'నవ్విపోదురుగాక' టైటిల్ తో మురారి గారు తన జీవితచరిత్రకు పుస్తక రూపమిచ్చారు.
|
|