ట్రెండింగ్
నాగ చైతన్య 'NC22' లో కీలక పాత్రలో కనిపించనున్న ప్రియమణి
cinema | Suryaa Desk | Published : Sat, Oct 15, 2022, 05:51 PM
టాలీవుడ్ యంగ్ అండ్ టాలెంటెడ్ హీరో అక్కినేని నాగచైతన్య తన తదుపరి సినిమాని తమిళ దర్శకుడు వెంకట్ ప్రభుతో ప్రకటించిన సంగతి అందరికి తెలిసిందే. కమర్షియల్ ఎంటర్టైనర్ ట్రాక్ లో రానున్న ఈ సినిమాకి టెంపరరీగా 'NC 22' అనే టైటిల్ ని పెట్టారు. ఈ చిత్రంలో నాగచైతన్య సరసన బబ్లీ బ్యూటీ కృతి శెట్టి జోడిగా కనిపించనుంది.
లేటెస్ట్ అప్డేట్ ప్రకారం ఈ సినిమాలో జాతీయ అవార్డు గ్రహీత ప్రియమణి ఒక కీలక పాత్రలో నటిస్తున్నట్లు మూవీ మేకర్స్ సోషల్ మీడియా ప్రొఫైల్స్ ద్వారా అధికారికంగా ప్రకటించారు. ఈ తెలుగు-తమిళ చిత్రానికి స్టార్ మ్యూజిక్ డైరెక్టర్ మాస్ట్రో ఇళయరాజా, ఆయన తనయుడు, మ్యూజిక్ కంపోజర్ యువన్ శంకర్ రాజా సంగీతం అందిస్తున్నారు. ఈ చిత్రాన్ని టాలీవుడ్ నిర్మాణ సంస్థ శ్రీనివాస సిల్వర్ స్క్రీన్ నిర్మిస్తోంది.
|
|