గాడ్ ఫాదర్ డైరెక్టర్ తో సూపర్స్టార్ మహేష్ బాబు కొత్త సినిమా...??
cinema | Suryaa Desk | Published : Thu, Oct 06, 2022, 04:16 PM
మెగాస్టార్ చిరంజీవి నటించిన "గాడ్ ఫాదర్" నిన్న విడుదలై, సూపర్ హిట్ టాక్ తో రన్ అవుతుంది. ఈ సినిమాను కోలీవుడ్ డైరెక్టర్ మోహన్ రాజా డైరెక్ట్ చేసారు.
నిజానికి మోహన్ రాజా 2001 లో అంటే ఇరవై ఏళ్ళ క్రితమే టాలీవుడ్ లో "హనుమాన్ జంక్షన్" అనే కామెడీ ఎంటర్టైనర్ ను తెరకెక్కించి, బ్లాక్ బస్టర్ హిట్ అందుకున్నారు. కానీ, ఎందుకో తెలియదు అటుపై మోహన్ రాజా తెలుగులో సినిమాలు చెయ్యలేదు.
తాజా విషయమేంటంటే, మోహన్ రాజా నిజానికి మహేష్ బాబు సినిమాతో టాలీవుడ్ కి రీఎంట్రీ ఇవ్వవలసి ఉంది. ప్రొడ్యూసర్ NV ప్రసాద్ సహాయంతో మహేష్ కు ఒక కథ కూడా మోహన్ రాజా నెరేట్ చేసారంట. ఇదే సమయంలో మెగాస్టార్ గాడ్ ఫాదర్ రీమేక్ డైరెక్టర్ కోసం గాలించడం, ఆ సినిమాకు NV ప్రసాద్ ప్రొడ్యూసర్ గా వ్యవహరించడం, గాడ్ ఫాదర్ ను రీమేక్ చేసే బాధ్యతను NV ప్రసాద్ మోహన్ రాజా కు అప్పగించడం, చిరు సమ్మతిని మోహన్ రాజా పొందడం... అన్ని చకచకా జరిగిపోయాయి.
కట్ చేస్తే, మహేష్ ను డైరెక్ట్ చెయ్యాల్సిన మోహన్ చిరు ను డైరెక్ట్ చేసి బ్లాక్ బస్టర్ హిట్ అందుకున్నారు. మరి, మహేష్ తో సినిమా సంగతి ఏమైందన్నది ఇంకా తెలియాల్సి ఉంది.
|
|