బాలయ్య తదుపరి సినిమాలో అరవింద్ స్వామి?
cinema | Suryaa Desk | Published : Tue, Sep 06, 2022, 08:58 PM
టాలీవుడ్ స్టార్ డైరెక్టర్ అనిల్ రావిపూడి నటసింహ నందమూరి బాలకృష్ణతో ఒక సినిమా చేస్తున్నట్లు అధికారకంగా ప్రకటించిన సంగతి అందరికి తెలిసిందే. ఈ కాంబినేషన్ లో రానున్న సినిమా కోసం నందమూరి అభిమానులు ఎంతో ఆసక్తిగా ఎదురుచూస్తున్నారు. ఈ సినిమా ప్రీ ప్రొడక్షన్ పనులు కూడా శరవేగంగా జరుగుతున్నాయి. ఈ సినిమా దాదాపు 80 కోట్ల బడ్జెట్ తో రూపొందనుందని ఫిలిం సర్కిల్ లో వార్తలు వినిపిస్తున్నాయి. షైన్ స్క్రీన్స్ బ్యానర్ ఈ సినిమాని నిర్మిస్తుంది. లేటెస్ట్ అప్డేట్ ప్రకారం, అనిల్ రావిపూడి ఈ సినిమాలో విలన్ రోల్ కోసం సీనియర్ హీరో అరవింద స్వామిని పరిశీలిస్తున్నట్లు ఫిలిం ఇండస్ట్రీ లో వార్తలు వినిపిస్తున్నాయి. ఈ వార్త పై మూవీ మేకర్స్ ఇంకా అధికారక ప్రకటన ఇవ్వనప్పటికీ ఈ న్యూస్ ఇప్పుడు సోషల్ మీడియాలో వైరల్గా మారింది. దసరా పండుగ తర్వాత సినిమాను సెట్స్ పైకి తీసుకెళ్లాలని మూవీ మేకర్స్ ప్లాన్ చేస్తున్నారు. ప్రస్తుతం బాలకృష్ణ, గోపీచంద్ మలినేని దర్శకత్వంలో 'NBK107' సినిమాతో బిజీగా ఉన్నారు.
|
|