ట్రెండింగ్
అభిరామ్ దగ్గుబాటి 'అహింస' ఈ తేదీన విడుదల కానుందా?
cinema | Suryaa Desk | Published : Mon, Sep 05, 2022, 08:57 PM
మూవీ మొగల్ డి రామానాయుడు మనవడు, ప్రొడ్యూసర్ సురేష్ బాబు కొడుకు అభిరామ్ దగ్గుబాటి టాలీవుడ్ లోకి హీరోగా పరిచయం అవుతున్న సంగతి తెలిసిందే. "చిత్రమ్", "జయం" వంటి బ్లాక్ బస్టర్ సినిమాలను అందించిన టాలీవుడ్ డైరెక్టర్ తేజ ఈ యంగ్ హీరో ని డైరెక్ట్ చేస్తున్నాడు. యూత్ఫుల్ ఎంటర్టైనర్ ట్రాక్ లో వస్తున్న ఈ సినిమాకి "అహింస" అనే టైటిల్ ని మేకర్స్ లాక్ చేసారు. కొన్ని నెలల క్రితమే ఈ సినిమా షూటింగ్ పూర్తయిందని సమాచారం. లేటెస్ట్ అప్డేట్ ప్రకారం, ఈ సినిమాని సెప్టెంబర్ 30న థియేటర్లలో విడుదల చేయటానికి మూవీ మేకర్స్ ప్లాన్ చేస్తున్నట్లు వార్తలు వినిపిస్తున్నాయి. అయితే దీనిపై మూవీ మేకర్స్ నుండి ఇంకా అధికారిక ప్రకటన వెలువడలేదు. ఆనంది ఆర్ట్ క్రియేషన్స్ పతాకంపై పి కిరణ్ ఈ సినిమాని నిర్మిస్తున్నారు. ఈ సినిమాకి ఫేమస్ మ్యూజిక్ డైరెక్టర్ ఆర్పి పట్నాయక్ సంగీతం అందించారు.
|
|