విరాట పర్వం లోని 'నాగదారిలో' సాంగ్ అవుట్
cinema | Suryaa Desk | Published : Fri, Jun 03, 2022, 03:09 PM
వేణు ఊడుగుల దర్శకత్వం లో టాలీవుడ్ హ్యాండ్సమ్ హంక్ రానా దగ్గుబాటి 'విరాట పర్వం' సినిమా చేస్తున్న సంగతి అందరికి తెలిసిందే. ఈ పీరియాడికల్ డ్రామాలో సాయి పల్లవి కథానాయికగా నటించింది. రానా అభిమానులు అండ్ సినీ ప్రేమికులు ఈ సినిమా కోసం ఎంతో ఆసక్తిగా ఎదురుచూస్తున్నారు. విరాట పర్వం సినిమా జూన్ 17, 2022న విడుదల కానుంది. తాజాగా మూవీ మేకర్స్ ఈ సినిమాలోని రెండో పాటను విడుదల చేశారు. సురేష్ బొబ్బిలి కంపోస్ చేసిన 'నాగదారిలో' అనే పాటని ద్యావరి నరేందర్ రెడ్డి మరియు సనాపతి భరద్వాజ్ పాత్రుడు మనసుకు హత్తుకునే సాహిత్యాన్ని అందించారు. మే 31న మరణించిన ప్లేబ్యాక్ సింగర్ KKకి మూవీ మేకర్స్ ఈ పాటను అంకితం చేశారు. ప్రియమణి, నందితా దాస్, నివేదా పేతురాజ్, ప్రియమణి, ఈశ్వరీ రావు, రవి ఆనంద్, నవీన్ చంద్ర, జరీనా వహాబ్ తదితరులు ఈ సినిమాలో కీలక పాత్రలు పోషిస్తున్నారు. సురేష్ ప్రొడక్షన్స్, శ్రీ లక్ష్మీ వెంకటేశ్వర సినిమాస్ బ్యానర్లపై సురేష్ బాబు, సుధాకర్ చెరుకూరి ఈ సినిమాని నిర్మిస్తున్నారు. ఈ చిత్రానికి సురేష్ బొబ్బిలి సంగీతం అందించారు.
|
|