విదేశాల్లో కూడా మేజర్ ప్రీమియర్ లకు భారీ డిమాండ్
cinema | Suryaa Desk | Published : Thu, Jun 02, 2022, 02:32 PM
డైరెక్టర్ శశికిరణ్ తిక్కా, హీరో అడవిశేష్ ల కాంబోలో, 2018లో వచ్చిన గూఢచారి ఎంత పెద్ద హిట్టయ్యిందో అందరికి తెలిసిందే. ఇదే కాంబోలో 2022లో రాబోతున్న కొత్త చిత్రం మేజర్. సయీ మంజ్రేకర్, శోభితా ధూళిపాళ్ల హీరోయిన్లుగా నటించిన ఈ చిత్రాన్ని సోనీ పిక్చర్స్ ఇండియా, GMB ఎంటర్టైన్మెంట్స్,A +S మూవీస్ సంయుక్తంగా నిర్మిస్తున్నారు. తెలుగు,హిందీ భాషల్లో ఏక కాలంలో తెరకెక్కించిన ఈ చిత్రాన్ని కన్నడ, మలయాళ, తమిళ భాషలలో జూన్ 3న విడుదల చేయనున్నారు. 2008 ముంబై దాడుల్లో, తన ప్రాణాలను సైతం పణంగా పెట్టి ఎంతో మంది అమాయక ప్రజల ప్రాణాలను కాపాడిన మేజర్ సందీప్ ఉన్నికృష్ణన్ బయోపిక్ గా ఈ మూవీ తెరకెక్కింది.
విడుదలకు పది రోజుల ముందు నుండి పలు మెట్రో నగరాల్లో ప్రీమియర్ షోలను నిర్వహించగా, మేజర్ చిత్రానికి ప్రేక్షకుల నుండి అద్భుత స్పందన వచ్చింది. నేటి అర్ధరాత్రి నుండి ప్రీమియర్ షోలు పడనున్నాయి.ప్రీమియర్ షోలకు సంబంధించిన టికెట్లన్నీ హైదరాబాద్ లో ఇప్పటికే అమ్ముడయ్యాయి. అందుతున్న సమాచారం మేరకు, మేజర్ చిత్రం అమెరికాలో ప్రీమియర్ షోల నుండి 125 డాలర్లను రాబట్టింది. ఒక మీడియం రేంజ్ హీరోకి ఈ రేంజులో ప్రీమియర్ వసూళ్లు రావడం నిజంగా విశేషమే. ప్రీమియర్ షోలతోనే పాజిటివ్ హిట్ టాక్ ను తెచ్చుకున్న మేజర్ బాక్సాఫీస్ వద్ద ఘనవిజయం సాధించడం లాంఛనమే అని క్లియర్ గా తెలుస్తుంది.
|
|